Enter your Email Address to subscribe to our newsletters
रायपुरम्, 30 मार्चमासः (हि.स.)।
छत्तीसगढ़राज्ये रसोईगैसपाइपलाइनव्यवस्थापनार्थं खाद्यविभागस्य माध्यमेन एका ऑनलाइनएकद्वारप्रणाली विकसितुं अद्य राज्यस्य विष्णुदेवसायसर्वकारेण निर्देशः दत्तः। अनेन रसोईगैसपाइपलाइनविन्यासेन विद्यमानाः बाधाः निवर्तयितुं शक्यन्ते।
मुख्यमन्त्रिणः निर्देशानन्तरं खाद्यनागरिकआपूर्तिविभागेन अस्मिन् विषये दृढनीतिः स्वीकृता तथा प्रदेशस्य सर्वेभ्यः जिलाधिकारिभ्यः सम्बन्धितनिकायभ्यः च कठोरनिर्देशाः निर्गताः यत् ते केन्द्रसर्वकारेण २४ मार्च २०२६ दिनाङ्के प्रकाशितस्य प्राकृतिकगैसपेट्रोलियमउत्पादवितरणादेशस्य कठोरतया पालनं कुर्वन्तु।
उक्तं यत् गृहेषु पाइपलाइनद्वारा प्राकृतिकगैसस्य पीएनजी आपूर्तेः परियोजनायां दीर्घकालात् प्रवर्तमानाः प्रशासनिकविघ्नाः राज्यसर्वकारेण पूर्णतया निराकर्तुं निश्चयः कृतः। अस्याः प्रक्रियायाः तीव्रीकरणार्थं राज्यस्तरीयटास्कफोर्स तथा जिलास्तरीयसमितयः अपि गठिताः भवन्ति।
उल्लेखनीयम् यत् रायपुर, गरियाबन्द तथा बलौदाबाजार जनपदेषु सिटीगैसपूर्वाधारस्य उद्घाटनं मुख्यमन्त्रिणा विष्णुदेवसायेन फरवरीमार्च २०२६ मासयोः कृतम्। रायपुरे रसोईगैसपाइपलाइनपरियोजना अधुना स्वक्रियान्वयनस्य मुख्यचरणे अस्ति। फरवरी २०२६ मासे रायपुरे सिटीगैसपूर्वाधारस्य औपचारिकउद्घाटनं कृतम्। रायपुरसिटीगैसपरियोजनायाः अन्तर्गतं प्रथमसंयोजनं पूनमचौबे इत्यस्याः गृहे प्रदत्तम्, यत् गृहेगृहे गैसआपूर्तेः आरम्भस्य प्रतीकं वर्तते।
रायपुरनगरे प्रायः एकलक्षगृहाणि पाइपलाइनद्वारा संयोजयितुं लक्ष्यं निर्धारितम्। अस्य कृते नगरे प्रायः अष्टशतकिलोमीटरपरिमिता इस्पातएमडीपीई पाइपलाइनः स्थाप्यन्ते। रायपुरे गेलगैस, अडानीगैस तथा हरियाणासिटीगैस प्रमुखाः सेवा प्रदातारः सन्ति। रायपुर, बलौदाबाजार तथा गरियाबन्द जनपदेषु अस्य जालस्य विस्तारार्थं आगामीत्रिवर्षेषु सहस्रकोटिरूप्यकपरिमितनिवेशस्य योजना अस्ति।
खाद्यविभागात् प्राप्तसूचनानुसारं नागपुरतः झारसुगुड़ां यावत् विस्तृता मुख्यगैसपाइपलाइनया छत्तीसगढ़राज्यस्य त्रयोदशजनपदाः संयोजिताः भविष्यन्ति। तेषु रायपुर, राजनांदगांव, दुर्ग, महासमुंद, धमतरी, कवर्धा कबीरधाम, बेमेतरा तथा बालोद जनपदाः अन्तर्भवन्ति। बिलासपुरे प्रायः षड्विंशतिकिलोमीटरपरिमिता इस्पातपाइपलाइनः स्थाप्यते।
भारतपेट्रोलियमसंस्थया कोरिया, मनेन्द्रगढ़चिरमिरीभरतपुर, सूरजपुर, बलरामपुर तथा सरगुजा जनपदेषु पाइपलाइनजालं सीएनजीकेन्द्राणि च स्थाप्यन्ते। रायगढ़जनपदे प्रायः त्रिचत्वारिंशत्ग्रामेषु प्राकृतिकगैसपाइपलाइनः स्थापयितुं योजना अस्ति। दुर्गजनपदस्य बहुषु भागेषु पाइपलाइनस्थापनकार्यं प्रायः सम्पन्नम्।
नवीननिर्देशानुसारं यत्र पाइपलाइनउपलब्धा अस्ति तत्र त्रिमासपर्यन्ते संयोजनग्रहणं अनिवार्यं भवितुमर्हति, अन्यथा एलपीजीकोटा निलम्बितः कर्तुं शक्यते।
अधिकारिणः उक्तवन्तः यत् अनुमतिप्रक्रियायाः शीघ्रनिराकरणार्थं प्रति सप्ताहं टास्कफोर्ससभा भविष्यति। कलेक्टराः प्रतिमासं प्रगति प्रतिवेदनं खाद्यविभागाय प्रेषयिष्यन्ति। पाइपलाइनगैसप्रयोगस्य विषये व्यापकजनजागरणअभियानम् अपि सञ्चालयिष्यते।
हिन्दुस्थान समाचार