Enter your Email Address to subscribe to our newsletters
नवदिल्ली, 30 मार्चमासः (हि.स)।
देशस्य वित्तीयविमानसेवा इंडिगो कोलकातानगरात् शाङ्घाइनगरं प्रति प्रतिदिनं प्रत्यक्षविमानसेवां प्रारब्धवती। एषा कोलकातात् चीनदेशं प्रति द्वितीया प्रत्यक्षविमानसेवा अस्ति, या भारतचीनयोः मध्ये व्यापारपर्यटनयोः प्रवर्धनं करिष्यति।
इंडिगोसंस्थया सोमवासरे प्रकाशितेन वक्तव्येन उक्तं यत् सा गत २९ मार्चदिनात् कोलकाता शाङ्घाइनगरयोः मध्ये प्रतिदिनं निरवरोधविमानसेवां प्रारब्धवती। अनेन तस्याः अन्ताराष्ट्रियजालो विस्तृतीजातस्तथा भारतचीनयोः मध्ये वायुसम्पर्कः अपि सुदृढः अभवत्। संस्थया उक्तं यत् अस्मिन् मार्गे ए३२०नियोविमानस्य उपयोगः भविष्यति, येन उभयदेशयोः मध्ये व्यवसायपर्यटनयोः वर्धमानां मागं पूरयितुं शक्यते।
एषा नूतना सेवा चीनदेशे इंडिगोसंस्थायाः नवविस्तारस्य अन्यत् पदम् अस्ति। अस्याः पूर्वं कोलकाता ग्वाङ्गझूनगरयोः मध्ये विमानसेवा पुनः आरब्धा आसीत् तथा दिल्ली नगरात् अपि संचालनं प्रारब्धम् आसीत्। अस्याः नूतनसेवायाः योगेन अधुना संस्था चीनदेशं प्रति प्रति सप्ताहं एकविंशतिविमानयात्राः संचालयति।
संस्थया उक्तं यत् स्वजाले शाङ्घाइनगरस्य समावेशेन इंडिगो यात्राविकल्पान् विस्तारयति तथा विश्वस्य द्वयोः अधिकजनसंख्यायुक्तयोः देशयोः मध्ये व्यापारपर्यटनयोः वर्धमानां मागं पूरयति। अनेन सह दिल्ली, मुम्बई, हैदराबाद, बेंगलुरु, चेन्नै, अहमदाबाद, पुणे, जयपुर, भुवनेश्वर इत्यादयः अनेकानि भारतीयनगराणि कोलकातामार्गेण शाङ्घाइनगरस्य सह सुलभतया सम्बद्धानि भविष्यन्ति।
इंडिगोसंस्थायाः वैश्विकविक्रयप्रमुखः विनयमल्होत्रा उक्तवान्— “वयं कोलकाता शाङ्घाइनगरयोः मध्ये प्रतिदिनं प्रत्यक्षविमानसेवां प्रारभ्य अत्यन्तं हृष्टाः स्मः, येन भारतस्य तथा पीपल्स रिपब्लिक ऑफ चाइना इत्यस्य मध्ये सम्पर्कः अधिकं सुदृढः भविष्यति।” सः अपि अवदत् यत् कोलकातात् (सीसीयू) प्रस्थितं विमानम् (६ई १७०९) रात्रौ २१ ४५ वादने निर्गत्य प्रातः ०४ ४० वादने शाङ्घाइनगरं प्राप्नोति। पुनरागमनविमानम् (६ई १७१०) प्रातः ०५ ४० वादने शाङ्घाइनगरात् निर्गत्य ०९ ०५ वादने कोलकातां प्राप्नोति।
विमानसेवया उक्तं यत् यात्रिकाः इंडिगोसंस्थायाः आधिकारिकजालपुटे, मोबाइलअनुप्रयोगे अथवा अधिकृतयात्रासहयोगिभिः माध्यमैः स्वयात्रां योजनां कृत्वा आरक्षणं कर्तुं शक्नुवन्ति। तत्र ते स्वेच्छया विभिन्नप्रस्तावान् अपि चिन्वन्ति, येषु अपफ्रण्ट् तथा फ्लेक्सि इत्यादयः विकल्पाः सन्ति, ये उत्तममूल्यं, सुखकरासनानि, निःशुल्कलघुभोजनम् तथा सुलभनिरस्तीकरणसुविधां प्रददति।
---------------
हिन्दुस्थान समाचार