जयपुर-नगरम्, ३० मार्चमासः (हि.स.)। गायत्री-परिवारस्य आयोजनतले २ अप्रैल-मासे प्रातः ७:३० वादने सम्पूर्ण-प्रदेशे एकस्मिन् एव समये पूर्णिमा-गायत्री-यज्ञः आयोजितः भविष्यति। अनुमानतः १०८ अधिकेषु स्थानेषु यज्ञाः भविष्यन्ति, येषु शक्तिपीठेषु प्रज्ञा-केन्द्रेषु च प्रमुखतया आयोजनं भविष्यति।

अयं यज्ञः अन्तर्जाल-माध्यमेनापि सम्पाद्यते, येन देश-विदेशेषु स्थिताः श्रद्धालवः गृहेभ्यः एव सहभागं कर्तुं शक्नुवन्ति। आयोजकैः उक्तं यत् एतादृशेन सामूहिक-यज्ञेन वातावरण-शुद्धिः, मानसिक-शान्तिः, सकारात्मक-ऊर्जा-वृद्धिः तथा पारिवारिक-सुख-समृद्धेः संवर्धनं भवति।

श्रद्धालुभ्यः अनुरोधः कृतः यत् ते पूर्वमेव आवश्यक-यज्ञ-सामग्रीं सज्जीकृत्य प्रातः ७:१५ वादनात् पूर्वं अन्तर्जाल-प्रवेशं कुर्वन्तु, येन विधि-विधानं ज्ञातुं शक्यते। कार्यक्रमस्य शुभारम्भः ७:३० वादने एव भविष्यति।

हिन्दुस्थान समाचार / अंशु गुप्ता