Enter your Email Address to subscribe to our newsletters
प्रयागराजः, 30 मार्चमासः (हि.स)। भगवतः महावीरस्वामिनः जयन्त्याः शुभावसरे सोमवासरे जैनमन्दिरात् रथशोभायात्रा निर्गता। रथे वर्धमानस्य मातापितरौ विराजमानौ आस्ताम्। तयोः आरत्या कृत्वा यात्रायाः प्रारम्भः कृतः। जनानां हस्तेषु धार्मिकध्वजपताकाः आसन्, ढोलताशवादनदलम्, डीजे, पञ्जाबीबैंड्, नानाविधानि झाङ्क्याः, ऐरावतहस्तिः, गीतवाद्यनृत्यैः युक्ताः देवदेव्यः च शोभां वर्धयन्तः आसन्, तथा बग्घीयाने वर्धमानस्य मातापितरौ जनान् दर्शनं ददतः आस्ताम्।
मार्गस्य उभयोः पार्श्वयोः श्रद्धालवः हस्तान् संयोज्य दर्शनं कुर्वन्तः आसन्, पुष्पवृष्ट्या रथयात्रायाः स्वागतं क्रियमाणम् आसीत्। स्त्रियः बालकाश्च पीतवस्त्राणि धारयन्तः आसन्, येन तद् दृश्यं सरसपुष्पाणां लहरिवत् इव आसीत्। सर्वे जयघोषान् कुर्वन्तः नृत्यन्तः च आसन्। भक्ताः भगवतः महावीरस्य उपदेशान् जनान् प्रति प्रसारयन्तः आसन्—“युद्धं न, शान्तिः अपेक्षिता”, “जीवतु जीवयतु च”, “उष्णतायां पक्षिणां कृते दानपानीयव्यवस्था कर्तव्या”, “जीवजन्तुषु प्रेम कर्तव्यम्” इत्यादयः सन्देशाः प्रदत्ताः।
माध्यमप्रभारी अकरमशगुनः अवदत् यत् एषा शोभायात्रा जैनमन्दिरात् आरभ्य बहादुरगञ्ज, लोकनाथ, बजाजपट्टी, चौकघण्टाघर, जॉनसेनगञ्ज, एस. सी. वासु मार्गेण पुनः जैनमन्दिरं प्रति समापिता। अस्यां शोभायात्रायां दिनेशकुमारजैनः, निर्मलजैनः, राजेशजैनः, अशोकजैनः, आलोकजैनः, मुनीन्द्रजैनः, अमितजैनः, राजूजैनः, आकाशजैनः, अर्पितजैनः, विजयचौरसिया, अकरमशगुनः तथा सहस्रशः भक्ताः सहभागी अभवन्।
माध्यमप्रभारी उक्तवान् यत् पुलिसप्रशासनस्य पक्षतः यातायातव्यवस्था सुरक्षा-व्यवस्था च सुस्थिते आस्ताम्। कोतवालीक्षेत्रस्य एसीपी रविकुमारगुप्तः, कोतवालीप्रभारी संजयरायः, बहादुरगञ्जचौकी तथा शाहगञ्जथानस्य सर्वे पुलिसजवानाः प्रभाते आरभ्य रथयात्रायाः निर्विघ्नसमापनार्थं प्रवृत्ताः आसन्। पीसकमिटी सदस्याः चान्दमियाँ, मोहम्मदआमिरः, मोहम्मदडाबरः, सिविलडिफेन्सस्य अनु भैया, ताहिरअन्सारी, राकेशमल्होत्रा, पूर्वपार्षदः अनीसअहमदः इत्यादयः अपि पुलिसदलस्य साहाय्यं कृतवन्तः।
---------------
हिन्दुस्थान समाचार