Enter your Email Address to subscribe to our newsletters
चेन्नईनगरम्, ३० मार्चमासः (हि.स.)विधानसभा-निर्वाचनाय नामांकन-नियुक्तिप्रक्रिया अद्य सोमवासरे आरभ्यते। राज्ये सर्वे निर्वाचनाधिकारिणः पूर्णतया सज्जाः सन्ति। तमिलनाडु-विधानसभा-निर्वाचनाय मतदानं अग्रिमे २३ अप्रैलमासे २०२६ तिथौ भविष्यति। तस्मात्, अद्यारभ्य नामांकन-प्रक्रिया आरभ्यते, यस्य कृते निर्वाचन-आयोगः सर्वाः आवश्यकताः पूर्वं सम्पन्नाः कृतवान्।
मुख्यमंत्री एम.के.स्टालिनेन सह केचन प्रमुखाः नेतारः अद्य नामांकनं दास्यन्ति। अस्मिन् मध्ये, राज्ये प्रशासनं सतर्कं सज्जं च अस्ति।
तमिलनाडु-विधानसभा-निर्वाचनं २३ अप्रैलमासे २०२६ तिथौ एकस्मिन्नेव चरणे आयोज्यते। अस्मै निर्वाचनाय प्रायः ५.७३ कोटिः मतदातारः स्वमताधिकारं प्रयुञ्जन्ते। अधिकांश-राजनैतिक-पक्षाः स्वीयान् अभ्यर्थीन् उद्घोषितवन्तः। निर्वाचन-आयोगस्य निर्देशनानुसारं, राज्यस्य २३४ विधानसभा-आसनानि अद्य ३० मार्चमासादारभ्य नामांकनाय उद्घाट्यन्ते।
एषा प्रक्रिया सुचारुरूपेण सम्पद्येत इत्यस्य कृते सर्वेषु निर्वाचन-क्षेत्रेषु निर्वाचनाधिकारी-कार्यालयाः संस्थाप्यन्ते कठोरं सुरक्षा-व्यवस्थापनं च क्रियते। कार्यालयेषु सन्निहितेषु क्षेत्रेषु सीसीटीवी-माध्यमेन निरीक्षणं क्रियते। राजनैतिक-दलानां जनसङ्घटनं नियन्त्रणाय बहुस्थरीय-बैरिकेडिंग-व्यवस्था कृता।
नामांकन-नियुक्तिकाले, निर्वाचनाधिकारी-कार्यालयात् १०० मीटरपरिधौ केवलं ३ वाहनानि प्रवेशाय अनुमन्यन्ते। कार्यालयान्तर्गतं अभ्यर्थिभिः सह केवलं ५ जनानां प्रवेशः अनुमन्यते। अभ्यर्थिनः “सुविधा-पटलम्” इत्यस्य माध्यमेन अन्तर्जाल-आवेदनं पूरयितुं शक्नुवन्ति, किन्तु आवेदन-पत्रं नामांकनकाले व्यक्तिगतं निर्वाचनाधिकारीणे समर्पणं अनिवार्यम्।
अभ्यर्थिनः अन्तर्जाल-माध्यमेनापि नामांकनं दातुं शक्नुवन्ति, किन्तु अन्ततः प्रमाणपत्राणां व्यक्तिगतं समर्पणम् आवश्यकं अस्ति। नामांकन-पत्रे स्वनाम, अन्यानि सर्वाणि विवरणानि यथार्थतया पूरयितुं आवश्यकम्।
अस्मै निर्वाचनाय इलेक्ट्रॉनिक-मतदान-यन्त्रे (EVM) स्थाप्यते बालट्-शीट-मध्ये अभ्यर्थिनः वर्णचित्रमपि सम्मिलितं भविष्यति। एतत् चित्रं नामांकन-तिथेः त्रयमासपर्यन्तं गृहीतं भवेत्।
अभ्यर्थिनां नामांकन-समाप्ति-तिथिः ६ अप्रैलमासस्य २०२६ तमे वर्षे अपराह्णे ३ वादने शपथ-पत्रं दातुमनिवार्यम्। निर्वाचनाधिकारिणामनुसारं, नामांकन-पत्राणां परीक्षा ७ अप्रैलमासे भविष्यति, नामपरित्यागस्य अन्तिम-तिथिः ९ अप्रैलमासः निर्धारितः अस्ति।
हिन्दुस्थान समाचार / अंशु गुप्ता