Enter your Email Address to subscribe to our newsletters
वाराणसी, 30 मार्चमासः (हि.स.)।
उत्तरप्रदेशस्य वाराणसीजनपदे अस्सीघाटे स्थिते सुबहएबनारसमञ्चे लोकायनकलाप्रशिक्षणसमितेः संस्कारभारत्याश्च वाराणसीएककस्य पक्षतः आयोजितस्य काशीचैती-उत्सवस्य राष्ट्रियस्वयंसेवकसंघस्य क्षेत्रकार्यवाहः वीरेंद्रजायसवाल गतस्य रविवासरस्य रात्रौ शुभारम्भं कृतवान्। अस्मिन् अवसरे लोकगीतकलाकाराः स्वप्रस्तुतिभिः उत्सवं रमणीयं कृतवन्तः।
उत्सवे हार्मोनियमवादने अरुणअस्थाना, शहनाईवादने सुनीलप्रसन्ना, नालवादने सुभाषः, तबलावादने शशिकान्तः च स्वकौशलं प्रदर्श्य श्रोतॄणां हृदयं जितवन्तः। तथैव दुर्गेशउपाध्यायस्य सोहरयात्रागीतानि, नागेन्द्रशर्मणः दादरागायनम्, नीरजपाण्डेयस्य ठुमरीगायनम् अपि जनान् आकर्षितवन्तः।
उत्सवस्य अन्ते सरोजवर्मणा उपस्थितजनानां स्वागतं कृतम् तथा धन्यवादप्रदर्शनं कृतम्।
---------------
हिन्दुस्थान समाचार