Enter your Email Address to subscribe to our newsletters
नवदिल्ली, ३० मार्चमास: (हि.स.)। पश्चिम-एशिया-संकटेऽपि सर्वकारेण उक्तं यत् देशे पेट्रोल-डीजल-एलपीजी-पीएनजी इत्येषां पर्याप्ता उपलब्धता अस्ति तथा आपूर्तिः निर्बाधा वर्तते।
विदेश-मन्त्रालयस्य प्रवक्ता रणधीर-जायसवाल-महोदयः उक्तवान् यत् प्रधानमन्त्री नरेन्द्र-मोदी-विभिन्न-देशानां नेतृभिः सह संवादं कुर्वन्ति। २८ मार्च-मासे तेन सऊदी-अरब-देशस्य युवराजेन मोहम्मद-बिन-सलमान-महोदयेन सह अपि वार्ता कृता। तयोः मध्ये पश्चिम-एशिया-संघर्ष-विषये विचार-विनिमयः अभवत् तथा ऊर्जा-संरचनानां उपरि आक्रमणानां निन्दा कृता। उभाभ्यां नेतृभ्यां नौवहन-मार्गाणां मुक्तत्वं सुरक्षा च विषये अपि चर्चा कृता।
पेट्रोलियम-प्राकृतिक-गैस-मन्त्रालयस्य संयुक्त-सचिवा सुजाता-शर्मा-महोदया उक्तवती यत् देशे सर्वत्र पेट्रोल-डीजल-एलपीजी-पीएनजी इत्येषां पर्याप्ता उपलब्धता अस्ति तथा एतत् सुनिश्चितुं सर्वकारेण आवश्यकाः उपायाः कृताः सन्ति। रिफाइनरी-संस्थानानि सामान्यतया कार्यं कुर्वन्ति तथा अपक्व-तैलस्य भण्डारः अपि पर्याप्तः अस्ति। डीजल-एटीएफ-इत्येतयोः उपलब्धतां स्थिरं कर्तुं निर्यात-शुल्कम् अपि निर्धारितम्।
सर्वकारेण ऊर्जा-विपणस्य स्थिरीकरणाय उपायाः कृताः, निर्माण्य: सामान्यतया कार्यं कुर्वन्ति, अपक्व-तैल-भण्डारः अपि पर्याप्तः अस्ति। गृह-उपभोक्तृभ्यः पूर्ण-आपूर्तिः सुनिश्चिताऽस्ति तथा एलपीजी-वितरणेऽपि काचित् न्यूनता नास्ति।
हिन्दुस्थान समाचार / अंशु गुप्ता