रायबरेली, ३१ मार्चमासः (हि.स.)। एनटीपीसी-ऊचाहार-इत्यत्र कार्यरतः रायबरेली-निवासी आलोक-शर्मा भारतीय-पैरा-क्रिकेट्-दलस्य नायकः नियुक्तः। श्रीलंका-देशस्य फिजिकल-क्रिकेट्-संस्थायाः निमन्त्रणेन ३–५ अप्रैलमासः २०२६ पर्यन्तं कोलम्बो-नगरस्य स्काई-स्पोर्ट्स-क्लब-प्राङ्गणम् अधिष्ठाय भारत-श्रीलंका-देशयोः विशेष-समर्थ-क्रीडकानां टी-२० क्रिकेट्-क्रीडा भविष्यति। अस्य कृते आलोक-शर्मा दलस्य नायकत्वेन नियुक्तः। तस्य अस्य उपलब्धेः अवसरैः परियोजना-अधिकारिणः कर्मचारिणः अन्ये जनाः च अभिनन्दनं कृतवन्तः।

उल्लेखनीयम् अस्ति यत् आलोक-शर्मा पूर्वमपि भारतीय-पैरा-क्रिकेट्-दले क्रीडकरूपेण चयनितः आसीत् तथा सः अनेकासु क्रीडासु देशस्य प्रतिनिधित्वं कृतवान्। सः २०२५ वर्षस्य नवम्बर-मासेऽपि श्रीलंका-देशे भारतीय-पैरा-क्रिकेट्-दलस्य पक्षे क्रीडितवान्।

इदानीम् एषा तस्य द्वितीया अन्ताराष्ट्रिय-यात्रा भविष्यति, यत्र सः नायकत्वस्य दायित्वं वहिष्यति। डीएएफसी-इण्डिया-इत्यस्य आयोजन-सचिवेन महेन्द्र-सिंहेन निर्गत-चयन-पत्रे समग्र-प्रदर्शनस्य आधारेण तस्य नायकत्वेन चयनस्य सूचना दत्ता। चयन-प्रक्रियायां विभिन्न-राज्यानां क्रीडकानां तथा डीएएफसी-अधिकारिणां प्रदर्शनं विचारितम्। आलोक-शर्मा रायबरेली-नगरस्य जवाहर-विहार-कालोनी-इत्यत्र निवसति, सः एनटीपीसी-संस्थायां डिप्टी-मैनेजर-पदे कार्यरतः अस्ति।

पूर्वमपि सः राष्ट्रिय-अन्ताराष्ट्रिय-स्तरेषु देशस्य प्रतिनिधित्वं कृतवान्। तस्य चयनस्य अवसरि परिवारजनाः, मित्राणि क्रीडा-प्रेमिणश्च अभिनन्दनं कृत्वा एतत् रायबरेली-जनपदस्य गौरवस्य विषयः इति उक्तवन्तः।

हिन्दुस्थान समाचार / अंशु गुप्ता