Enter your Email Address to subscribe to our newsletters
कोलकाता, 31 मार्चमासः (हि. स.)। पश्चिमबङ्गाल-राज्यस्य २९४ विधानसभा-आसनानां विषये आगामिनि मासे द्वाभ्यां चरणाभ्यां भविष्यति निर्वाचनम्, यत्र अधिकांश-आसनेषु चतुष्कोणीयः स्पर्धा दृश्यते, तत्रैव दार्जिलिङ्, कालिम्पोङ् तथा कर्सियाङ् इत्येतासु त्रिषु पर्वतीय-आसनेषु अस्मिन् वारे पञ्च-दलानां मध्ये प्रत्यक्षः संघर्षः भविष्यति।
राज्यस्य बहुषु आसनेषु तृणमूल कांग्रेस, भारतीय जनता पार्टी, मार्क्सवादी कम्युनिस्ट पार्टी-नेतृत्वयुक्तः वाममोर्चा-आईएसएफ-संयुक्तः संघः तथा कांग्रेस इत्येषां मध्ये मुख्यः संघर्षः अस्ति। किन्तु एतासु पर्वतीय-आसनेषु निर्वाचन-समीकरणानि भिन्नानि सन्ति।
एतासु आसनेषु भाजपा (गोरखा जनमुक्ति मोर्चा-समर्थनेन सह), भारतीय गोरखा प्रजातांत्रिक मोर्चा, इंडियन गोरखा जनशक्ति फ्रंट, वाममोर्चा-आईएसएफ-संयुक्तः संघः तथा कांग्रेस इत्येषां मध्ये स्पर्धा भविष्यति।
राजनीतिशास्त्र-विश्लेषकानां मते इंडियन गोरखा जनशक्ति फ्रंट-इत्यस्य पृथक् निर्वाचन-युद्धे प्रवेशनात् दार्जिलिङ्, कालिम्पोङ् तथा कर्सियाङ् इत्येषु निर्वाचन-गणितं जटिलं जातम्, यतः एतेषु क्षेत्रेषु गोरखा-मतदातारः परिणाम-निर्णये महत्त्वपूर्णां भूमिकां वहन्ति।
तथापि सर्वे दलाः स्वस्वरीत्या एतां स्थितिं स्वपक्षे अनुकूलां वदन्ति। भाजपा तथा तस्य सहयोगी गोरखा जनमुक्ति मोर्चा वदतः यत् इंडियन गोरखा जनशक्ति फ्रंट-इत्यस्य प्रवेशेन भाजपा-विरोधी-मतानां विभाजनं भविष्यति।
अन्यतः भारतीय गोरखा प्रजातांत्रिक मोर्चा तथा तृणमूल कांग्रेस इत्येतयोः मतं यत् इंडियन गोरखा जनशक्ति फ्रंट-इत्यस्य उपस्थित्या भाजपा-गोरखा-जनमुक्ति-मोर्चस्य पारम्परिक-मतानां हानिः भविष्यति, येन तेषां प्रत्याशिनां विजय-सम्भावना वर्धिष्यते।
अजय एडवर्ड्स, इंडियन गोरखा जनशक्ति फ्रंट-इत्यस्य प्रमुखः, एतानि सर्वाणि दावानि निराकृत्य अवदत् यत् पर्वतीय-क्षेत्रेषु निवसन्तः जनाः, विशेषतः गोरखा-समुदायः, दीर्घकालात् स्थायी-राजनीतिक-समाधानस्य तथा पृथक् गोरखालैण्ड-राज्यस्य अपेक्षया निराशाः सन्ति।
तेन उक्तं यत् वयं कस्यचित् मत-छेदनार्थं न, अपि तु सर्वासु त्रिषु आसनेषु विजयाय एव निर्वाचनं युध्यामः। अस्माकं मुख्यः विषयः पृथक् गोरखालैण्ड-राज्यस्य स्थापना अस्ति। पूर्वं वयं सर्वान् पर्वतीय-दलान् एकत्र आनयितुं प्रयासं कृतवन्तः, किन्तु सहमति न जाता, अतः पृथक् एव निर्वाचनं योधुम् निर्णयः कृतः।
अन्यतः रोशन गिरी, गोरखा जनमुक्ति मोर्चादलस्य महासचिवः, अवदत् यत् तेषां दलं स्थायी-राजनीतिक-समाधानस्य तथा गोरखालैण्ड-आन्दोलनस्य प्रगत्यर्थं भाजपा-पक्षस्य समर्थनं कर्तुं निर्णयं कृतवान्। तस्य अभिप्रायः यत् लघु-राज्यानां निर्माण-विषये भाजपा-पक्षस्य दृष्टिकोणः सकारात्मकः अस्ति।
तथा अनित थापा, भारतीय गोरखा प्रजातांत्रिक मोर्चा-इत्यस्य संस्थापकः, उक्तवान् यत् तेषां दलस्य मुख्यं लक्ष्यं पर्वतीय-क्षेत्रेषु विकासः अस्ति, यस्य सिद्धये राज्यस्य सत्तारूढया तृणमूल कांग्रेस-पक्षस्य समर्थनं आवश्यकम्।
हिन्दुस्थान समाचार