Enter your Email Address to subscribe to our newsletters
बेंगलुरुः, 31 मार्चमासः (हि.स.)।
कर्नाटक-राज्यस्य उपमुख्यमन्त्री डी के शिवकुमार रसोई-गैस-अभावं निरन्तरवर्धमानां महङ्गतां च विषये केन्द्र-सरकारं प्रति तीक्ष्णं प्रहारं कृतवान्। तेन उक्तम् यत् भाजपायाः ‘उज्ज्वला’ योजना अधुना ‘लकड़ी-भाग्य’ इति रूपे परिवर्तिता।
मङ्गलवासरे अत्र भारतीय राष्ट्रीय कांग्रेस-पक्षस्य कार्यालये आयोजितायां पत्रकार-वार्तायां शिवकुमारः आरोपितवान् यत युद्धानां बहानेन केन्द्र-सरकार देशे वर्धमानां महङ्गतां समस्यां उपेक्षते। तेन उक्तम् यत् रसोई-गैसस्य पर्याप्त-आपूर्तिः न भवति, येन सामान्यजनाः सह होटल-उद्योगोऽपि गम्भीरां समस्यां अनुभवति। एषा योजना न ‘उज्ज्वला’ योजना, अपि तु जनानां कृते ‘लकड़ी-भाग्य’ इव अस्ति।
तेन उक्तम् यत् पेट्रोल-डीजल इत्येतान् समेत्य आवश्यक-वस्तूनां मूल्यानाम् अत्यधिक-वृद्ध्या जनानां जीवनं कठिनं जातम्। अस्मिन् काले राज्य-सरकारस्य ‘गारण्टी’ योजनाः जनानां कृते आधाररूपेण स्थिताः सन्ति।
शिवकुमारः आरोपितवान् यत् टोल-दराणां वृद्ध्या तथा प्रायः नवशतानि (९००) आवश्यक-औषधानां मूल्यानि वर्धयित्वा केन्द्र-सरकारेण सामान्यजनानां उपरि अतिरिक्त-आर्थिक-भारः आरोपितः। प्रधानमन्त्री नरेन्द्र मोदी इत्यस्य ‘अच्छे दिन’ इति वचनं प्रति प्रश्नं कृत्वा सः उक्तवान् यत् “अच्छे दिन कुत्र सन्ति? अधुना तु ‘कच्चे दिन’ आगताः।” सः अपि उक्तवान् यत् एप्रिल्-मासस्य प्रथमदिनात् विविधानां वस्तूनां मूल्यवृद्ध्या केन्द्र-सर्वकारेण जनाः ‘अप्रैल-फूल’ इव कृताः।
---------------
हिन्दुस्थान समाचार