Enter your Email Address to subscribe to our newsletters
कोलकातानगरम्, ३१ मार्चमासः (हि.स.)। पश्चिम-बंगालस्य मुख्यमन्त्री च तृणमूल-कांग्रेसस्य प्रमुखा ममताबनर्जी अद्य मङ्गलवासरे पश्चिम-मेदिनीपुर-जनपदे गडबेताग्रामे निर्वाचन-सभा-उपस्थित। सा राज्यस्य कल्याणकारी-योजनाः उद्घोषयित्वा भा.ज.पा.दलम् उद्दिश्य राजनैतिकम् आक्रमणं अपि कृतवती। सा उक्तवती यत् लक्ष्मी-भंडार-योजना-मध्ये धर्म-जाति-वर्गाधारे वा कदापि भेदः न करणीयः।
सभायाम् उपस्थितौ पक्ष-प्रत्याशीन: उत्तरासिंहस्य समर्थनार्थं ममता उक्तवती यत् या: महिलाः आवेदनं कृत्वा अपि अद्यावधि लक्ष्मी-भंडार-योजनायाः लाभं न प्राप्नुवन्ति, ताभ्य: अपि शीघ्रं लाभः दास्यते। राज्यस्य मातृभ्य: तथा भगिनिभ्य: एषा योजना जीवनपर्यन्तं लाभप्रदायिनी भविष्यति। धर्म-वर्ण-जातेरपि अस्यां योजनायां भेदभावः नास्ति।
मुख्यमन्त्री आलू-कृषकाणां समस्याः अपि स्मृतवान्। सा उक्तवती यत् राज्य-सर्वकार: एतान् विषयान् जानाति। यथा कृषकाणां शस्य-बीमायाः व्यवस्था अस्ति, तथैव आलू-उत्पादकानां कृते अपि बीमा-व्यवस्था कृता। यदि कृषकस्य शस्यं हानिप्राप्तम्, तर्हि तस्य मुआवजा इति प्रदास्यते।
स्वीय-भाषणे ममताबनर्जी गड़बेता-विधानसभाक्षेत्रे सम्पन्नानि विकास-कार्याणि अपि उल्लिखितवती। सा उक्तवती यत् क्षेत्रे औद्योगिक-प्रशिक्षण-संस्थानानि, सौर-ऊर्जा-परियोजनाः, मार्ग-पुल-निर्माणं च कृतम्। अतिरिक्तम्, ‘जल-स्वप्न’ परियोजनान्तर्गतं ३५ कार्याणि सम्पन्नानि, तथा बस-टर्मिनस-निर्माणस्य अपि चर्चा कृता।
सा लालगढ-क्षेत्रस्य प्राचीन-हिंसक-कालं स्मरन् उक्तवती यत् कदाचित् क्षेत्रं हिंसया प्रभावितम् आसीत्, जनसङ्ख्यायाम् भयस्य वातावरणम् आसीत्, किन्तु अद्य स्थिति: पर्याप्तं परिवर्तिता।
उल्लेखनीयम्, ममताबनर्जी मङ्गलवासरे तिस्र: जनसभाः आयोजिता:। प्रथमम् चंद्रकोणा, द्वितीयम् गड़बेता, तृतीयम् विष्णुपुरम् इत्यत्र अभवत्। एतासु सभासु सा पक्ष-अभ्यर्थीनां समर्थनार्थं निर्वाचन-प्रचारं कृतवती।
हिन्दुस्थान समाचार / अंशु गुप्ता