Enter your Email Address to subscribe to our newsletters
रायपुरम्, ३१ मार्चमासः (हि.स.)। अद्य मङ्गलवासरे लोक-भवने राज्यपालः रमेन-डेका इत्यनेन सह रेडियो-संगवारी-दलेन सौहार्द-संवादः कृतः। अस्मिन् अवसरे दलेन रेडियो-संगवारी-इत्यस्य परिकल्पना, उद्देश्यानि अग्रिम-योजनाः च विस्तारपूर्वकं विवरणीकृताः। दलस्य संस्थापकः राहुलः शर्मा उक्तवान् यत् प्रदेशस्य समृद्ध-लोक-परंपराः नव-वंशं प्रति प्रेषयितुं रेडियो-संगवारी-दलेन विविध-कार्यक्रमाणां रूपरेखा व्यवस्थिता भविष्यति।
राज्यपालेन अस्य प्रयत्नस्य प्रशंसां कृत्वा उक्तं यत्, छत्तीसगढस्य सांस्कृतिक-परम्परा अतीव समृद्धा अस्ति, एवं प्रयासः तस्य संरक्षणे महत्त्वपूर्णं योगदानं दास्यति। स: रेडियो-संगवारी-दलाय शुभकामनाः दत्त्वा भविष्यकालाय मार्गदर्शनं अपि प्रदत्तवान्।
अस्मिन् अवसरे डॉ.हेमन्तः सिरमौरः, श्रीया सिरमौरः, शिवनन्दनः सरोजः, तिलकः साहू इत्यादयः अन्ये च सदस्याः उपस्थिताः आसन्।
हिन्दुस्थान समाचार / अंशु गुप्ता