Enter your Email Address to subscribe to our newsletters
हरिद्वारम्, 31 मार्चमासः (हि.स.)।
श्री गुरु गोरखनाथ अटल अखाड़ा द्वारा आयोजिते भव्ये समारोहे त्रयः सन्तः अखाड़ायाः महामण्डलेश्वर-पदे अभिषिक्ताः। कार्यक्रमः कनखल-क्षेत्रे सम्पन्नः, यत्र डॉ. हर्षिता, कौशिका तथा संदीप-शास्त्री इत्येते विधिवत् पट्टाभिषेकं कृत्वा महामण्डलेश्वर-उपाधिं प्राप्नुवन्।
समारोः स्वामी ओम सांईमानाथ महाराज तथा संजीवन नाथ महाराज इत्येतयोः सान्निध्ये सम्पन्नः। वैदिक-मन्त्र-उच्चारणेन पारम्परिक-विधि-विधानेन च त्रयाणां सन्तानां प्रति अखाड़-परम्परानुसारं महामण्डलेश्वर-पदस्य दायित्वं समर्पितम्।
अस्मिन् अवसरॆ संजीवन-नाथ-महाराजः नव-अभिषिक्तान् महामण्डलेश्वरान् आशीर्वाद्य उक्तवान् यत्—ते श्री गुरु गोरखनाथ महाराज-उपदेशानां परम्पराणां च व्यापकं प्रचारं प्रसारं कुर्वन्तु तथा सनातन-धर्मस्य ध्वजां विश्वे उच्चां धारयन्तु। सः अपि उक्तवान् यत् सन्त-समाजस्य कर्तव्यं भवति यत् सः सर्वासु परिस्थितिषु धर्ममार्गं अनुसृत्य समाजं सम्यक् दिशि नयेत्।
स्वामी ओम-सांईमानाथ-महाराजः अपि त्रयाणां महामण्डलेश्वराणां शुभाशंसाः अर्पयित्वा तेषां उज्ज्वल-भविष्यस्य कामनां कृतवान् तथा धर्म-समाज-सेवायां सक्रिय-भूमिकां निर्वहणाय आह्वानं कृतवान्।
कार्यक्रमे महामण्डलेश्वरः अरुणनाथ-महाराजः (कानपुरम्), छोटूनाथ-महाराजः (जयपुरम्) सहिताः अनेकाः सन्त-महात्मानः, श्रद्धालवः, गणमान्य-जनाः च उपस्थिताः आसन्। अस्मिन् समारोहे बहवः भक्ताः सहभागित्वं कृत्वा नव-अभिषिक्तान् सन्तान् शुभाशंसाभिः अभिनन्दितवन्तः।
हिन्दुस्थान समाचार