Enter your Email Address to subscribe to our newsletters
अजमेरम्, 04 मार्चमासः (हि.स.)।
विधानसभाध्यक्षः वासुदेव देवनानी बुधवासरे अजमेर नगरे प्रवासं कृतवान्, यत्र तेन राज्यसरकारस्य बजट् घोषणानां तथा नगरसम्बद्धानां विविधविकासकार्याणां प्रगतिः समीक्षिता। तेन सम्बन्धितविभागानां अधिकारिभ्यः निर्देशाः दत्ताः यत् अनुमोदितकार्याणां प्रक्रिया त्वरितं आरभ्यताम्, येन सामान्यजनाः शीघ्रं लाभं प्राप्नुयुः।
प्रवासकाले देवनानी महोदयेन संभागीय आयुक्तेन तथा नगरनिगमस्य प्रशासकेन शक्ति सिंह राठौड़ तथा सिंचनविभागस्य अधिकारिभिः सह आनासागर झील इत्यस्य निरीक्षणं कृतम्। झीलतः मृत्तिकानिर्गमनस्य प्रस्तावितकार्ये विषये विस्तृतं चर्चनं कृत्वा तेन स्थल एव अधिकारिभ्यः योजनायाः विषये जानकारी प्राप्ता। अधिकारिभिः उक्तं यत् बजट् घोषणानुसारं झीलतः प्रायः एकमीटरपर्यन्तं मृत्तिका निष्कासिता भविष्यति, यस्य व्ययः प्रायः 78 कोटिरूप्यकाणि भविष्यति। देवनानी महोदयेन निर्देशः दत्तः यत् झीलस्य सर्वेभ्यः भागेभ्यः समानरूपेण मृत्तिका निष्कास्यताम्, येन वर्षाजलस्य अधिकतमं संचयनं भवेत्।
विधानसभाध्यक्षेन अजमेर विकास प्राधिकरण इत्यस्मै नगरमध्ये चत्वारः नूतनाः मार्गाः विकासार्थं विस्तारार्थं च प्रस्तावाः शीघ्रं सज्जीकर्तुं निर्देशाः दत्ताः। प्रस्तावितमार्गेषु नगरनिगमस्य नूतनकार्यालयात् लोहागल मार्गेण नागौर महामार्गपर्यन्तं, स्टीफन चौराहात् माकड़वाली मार्गेण नागौर महामार्गपर्यन्तं, पृथ्वीराज नगरात् रातीडांग मार्गेण चौरसियावासं गत्वा नौसरघाटीपर्यन्तं, तथा रेयान विद्यालयात् हाथीखेड़ा मार्गेण वरुण सागर तथा खरेकड़ी मार्गपर्यन्तं नूतनमार्गनिर्माणम् अन्तर्भवति।
एतदतिरिक्तं विजयराजे सिंधिया नगर समीपे निर्माणाधीनस्य क्रीडाङ्गणस्य कार्यस्य अपि समीक्षा कृता। तेन सार्वजनिकनिर्माणविभागाय अजमेर नगरस्य चतुर्दिशं प्रस्तावितस्य रिङ्गमार्गस्य डीपीआर् शीघ्रं निर्मातुं निर्देशः दत्तः। राज्यबजटे अस्य कार्यस्य कृते त्रयः कोटिरूप्यकाणां प्रावधानं कृतम्। देवनानी महोदयेन नगरनिगमक्षेत्रे हाल एव सम्मिलितेषु नूतनेषु क्षेत्रेषु स्वच्छताव्यवस्था तथा मार्गदीपव्यवस्था सुदृढां कर्तुं, रामसेतु अधः वाहनस्थापनव्यवस्था शीघ्रं आरभ्यताम् इति, तथा केसर बाग पुलिया उच्चीकर्तुं निर्देशाः दत्ताः। सह एव ब्रह्मपुरी नाल इत्यस्य स्वच्छीकरणं तथा गभीरतावृद्धेः कार्यं प्राथमिकतया कर्तव्यमिति उक्तम्।
अतिरिक्ततया संमर्दयुक्तेषु संकीर्णगलिषु डीएमएफटी योजनया अनुमोदितानि अग्निशमनयन्त्राणि स्थापयितुं, मार्गेषु पेचवर्ककार्यं कर्तुं, तथा यत्र महिला शौचालयनिर्माणं प्रस्तावितम् अस्ति तत्र निर्माणकार्यं शीघ्रं आरभ्यताम् इति अपि निर्देशाः दत्ताः। अन्ते विधानसभाध्यक्षेन स्पष्टं कृतं यत् नगरविकासकार्येषु कस्यापि प्रकारस्य उपेक्षा न सह्यते तथा सर्वेषां परियोजनानां नियमितं निरीक्षणं क्रियते।
---------------
हिन्दुस्थान समाचार