Enter your Email Address to subscribe to our newsletters
—रंगयुक्ता जातायां नगर्यां भोजपुरीगीतैः सह पारम्परिकचलचित्रीय- होलीगीतानां सोत्साहम्
चतुष्पथेषु सामूहिक रूपेण नृत्यन्ति युवानः ,रंगपूर्णस्य तरंगाणि
वाराणसी,04 मार्चमासः (हि.स.)।उत्तरप्रदेशस्य धार्मिकनगरे काशी वाराणसी नगरे बुधवासरे वर्णोत्सवः होली महानन्देन धूमधडाकेन पिंगलबाजी सहितं आचर्यते। जिल्लायाः ग्रामेषु नगरस्य च सर्वत्र वर्णोत्सवस्य होलीपर्वणः उल्लासः दृश्यते।
नगरीयक्षेत्रेषु वसतिषु गृहेषु गङ्गातटस्थेषु घाटेषु च जनाः वर्णैः अबीरगुलालैः पूर्णतया आवृताः दृश्यन्ते। भोजपुरीगीतैः सह पारम्परिकचलच्चित्रेषु होलीगीतानि यथा क्रीडायां रघुबीरा अवध में रंग बरसे भीगे चुनर वाली सात रंग में खेल रही है दिलवालो की टोली रे इत्यादीनि गीतानि श्रूयन्ते तथा जनाः महानन्देन नृत्यन्ति। वर्णानां महोत्सवे नगरे उपद्रवस्य निवारणाय सुरक्षायाः व्यापकाः प्रबन्धाः कृताः।पर्वणि प्रभाते एव बालकानां युवानां च समूहाः आनन्दतरङ्गे निमग्नाः आसन्। वर्णभङ्गयोः उत्साहे वर्धमाने सूर्यकिरणानां उदये युवानः बालकाः च पिचकारी धारयित्वा परस्परं वर्णान् सिञ्चन्तः निर्गताः। अनेकेषु स्थलेषु जनाः परस्परं वर्णगुलालं लिप्त्वा आलिङ्गनं कृत्वा अभिनन्दनं ददति। वर्णैः तेषां मुखानि शरीराणि च इत्थम् आवृतानि यत् तान् परिचेतुं कठिनम् आसीत्।
नगरस्य गोदौलियाचतुष्पथि लहुराबीर चेतगंज सोनारपुरा लंका सिगरा रथयात्रा चौराहा इत्यादिषु स्थलेषु युवसमूहाः सामूहिकरीत्या होलीक्रीडां कुर्वन्ति स्म। अस्मिन् समये डीजे इत्यस्य ध्वनौ होलीगीतानि श्रूयन्ते स्म तथा युवानः नृत्यन्ति स्म। गङ्गाघाटेषु विदेशिनः नागरिकाः अपि होली-उत्सवे निमग्नाः स्थानिकयुवकैः सह नगाडानां ढोलानां च निनादे नृत्यन्तः बनारसीमस्तीमध्ये दृश्यन्ते स्म। पर्वणि गृहेषु आवाससमूहवासस्थानेषु च महिलाः अपि स्वसमूहेन सह उत्साहेन होलीक्रीडां कृत्वा परस्परं अभिनन्दनं ददति स्म। केषुचित् स्थलेषु केचन युवानः अत्यधिकमद्यपानात् मत्ताः भूत्वा मार्गपार्श्वेषु अपि सुप्तवत् दृश्यन्ते स्म। वर्णक्रीडाया अनन्तरं जनाः गृहे गृहे गत्वा परस्परं पर्वणः शुभाशंसाः ददति स्म। नगरे केषुचित् स्थलेषु दधिहाण्डी मटका फोड इत्यादि होलीक्रीडा अपि आचरिता। गोदौलियाचतुष्पथि युवत्यः महिलाश्च द्विचक्रयानैः आरूढाः होलीउल्लासस्य आनन्दं अनुभवन्ति स्म।
नगरस्य विभिन्नेषु अपार्टमेण्टवासस्थानेषु महिलाः बालकाः पुरुषाश्च मिलित्वा वर्णोत्सवं आचरत। केषुचित् आवाससमूहस्थलेषु उत्सवकाले मनोरञ्जनक्रीडानां आयोजनम् अपि कृतम्।
अपरतः काशीविश्वनाथमन्दिरस्य नियमितदर्शकानां समूहः बाबासह होलीक्रीडां कर्तुं प्राचीनपरम्परां निर्वहति स्म। भक्तसमूहः दशाश्वमेधस्थितात् चितरंजन पार्क नाम स्थानात् मन्दिरं प्रति प्रस्थितः। काशीविश्वनाथदर्शनानन्तरं भक्ताः अन्नपूर्णामन्दिरम् अपि अगच्छन् तथा मातुः सन्निधौ गुलालं विसृज्य होलीगीतानि अगायन्। अपराह्णे स्नानं कृत्वा जनाः परिवारैः सह पक्वान्नानि आस्वाद्य नूतनवस्त्राणि धारयित्वा पुनः अबीरगुलालं गृह्णन्तः मित्राणां पड़ोसीनां च गृहेषु गमिष्यन्ति। ततः सायंकालपर्यन्तं पुनः अबीरगुलालहोली आचरिष्यते। नगरे अनेकस्थलेषु होलीमिलनसमारोहाः अपि आयोज्यन्ते।
सडकेषु अपि होल्युत्सवे युवानः परस्परं जामपानं कुर्वन्तः दृश्यन्ते स्म। मुख्यचौराहेषु अपि ते निर्भयतया उल्लासं प्रकटयन्ति स्म। होलीपर्वणि पुलिसकर्मिणः तान् दृष्ट्वा मौनमेव आसन्। तथापि होलीउल्लासस्य मध्ये खाकीवेषधारिणः पुलिसकर्मिणः सक्रियरूपेण कार्यरताः आसन्। नगरस्य प्रमुखचतुष्पथःसु मिश्रितजनसंख्यायुक्तेषु क्षेत्रेषु च पुलिसकर्मिणः सज्जाः स्थिताः आसन्। रमजानमासस्य अवसरं दृष्ट्वा मुस्लिमबहुलप्रदेशेषु विशेषसतर्कता आचरिता। पुलिसकर्मिणः पीएसी सैनिकाश्च संवेदनशीलस्थलेषु विशेषचौकसीं कुर्वन्तः आसन्। अपरत्र नगरे अनेकेषु स्थलेषु होलीबारात् निष्कासनस्य परम्परा अपि निर्वहिता। मुकीमगंज प्रह्लादघाट गायघाट कालभैरव विश्वेश्वरगंज ब्रह्मनाल दशाश्वमेध सोनारपुरा अस्सी सुन्दरपुर इत्यादिषु क्षेत्रेषु होलीबारात् उत्साहेन निर्गता। नगाडानां निनादे नृत्यन्तः गायन्तश्च होलीबारात्यः मोहल्ले मोहल्ले भ्रमन्तः दृश्यन्ते स्म।
हिन्दुस्थान समाचार