Enter your Email Address to subscribe to our newsletters
गुवाहाटी, 05 मार्चमासः (हि.स.)।
केन्द्रीयविदेशराज्यमन्त्री पबित्रमार्घेरिटा अद्य कांग्रेसदलस्य प्रति परिवारवादराजनीतिं प्रोत्साहयति इति आरोपं कृत्वा तीक्ष्णं प्रहारं कृतवान्। सः अवदत् यत् कस्यचित् राजनेतुः पुत्रः राजनीतिक्षेत्रे आगन्तुं शक्नोति, किन्तु कांग्रेसदले नेतृपुत्राणां प्रत्यक्षं “पैराशूट् अवतरणम्” क्रियते। केन्द्रीयमन्त्री अद्य दलस्य मुख्यालये आयोजितस्य कार्यक्रमस्य अनन्तरं पत्रकारैः सह संवादं कुर्वन् एतत् उक्तवान्।
मार्घेरिटा कांग्रेसदलस्य परिवारवादीराजनीतिं प्रति कटाक्षं कृत्वा अवदत् यत् दलस्य अन्तः दीर्घकालात् केषाञ्चन विशेषपरिवाराणामेव प्राधान्यम् दत्तम्। तेन आरोपः कृतः यत् कांग्रेसदले जमीनीस्तरे कार्यं कुर्वन्तः कार्यकर्तारः उपेक्षिताः भवन्ति, नेतृपरिवारस्य सदस्याः तु प्रत्यक्षं महत्त्वपूर्णदायित्वानि प्राप्नुवन्ति।
विदितम् अस्ति यत् हालकाले असमप्रदेशकांग्रेससमित्या घोषितेषु प्रत्याशिसूचिषु अनेकेषां पूर्ववरिष्ठकांग्रेसनेतृणां पुत्रेभ्यः २०२६ वर्षस्य विधानसभानिर्वाचनं दृष्ट्वा प्रत्याशित्वं दत्तम्। अस्य कारणात् राज्ये कांग्रेसदले परिवारवादीराजनीतिः क्रियते इति आरोपाः क्रियन्ते। अस्मिन्नेव प्रसङ्गे केन्द्रीयमन्त्रिणा अपि कांग्रेसदलस्य आलोचना कृता।
हिन्दुस्थान समाचार