Enter your Email Address to subscribe to our newsletters
भोपालनगरम्, ०५ मार्चमासः (हि.स.)। मध्यप्रदेशस्य अन्ताराष्ट्रियक्रीडिका प्रियांशी-प्रजापति अल्बानियादेशस्य तिराना–नगरे युद्ध–परिस्थितेः मध्ये अवरुद्धा आसीत्, मध्यप्रदेशस्य मुख्यमन्त्री डॉ.मोहनयादवस्य प्रयासेन सुरक्षितं स्वदेशं प्रत्यागता। प्रियांशी तत्र वर्ल्ड रेस्लिङ्ग् चेम्पियनशिप् रैंकिंग्–सीरीज़् प्रतियोगितायाम् भागं गृह्णाति स्म।
जनसंपर्क–अधिकारी अशोक-मनवानी गुरुवासरे उक्तवान् यत् मुख्यमन्त्री डॉ.यादवः प्रियांशी-इत्यस्याः उज्जैननिवासीपरिजनै: सह अपि चतुर्दिक–सन्ध्यायाम् वीडियो–कॉल्-कृत्वा संवादं कृतवान्। प्रियांशी–पिता मुकेशप्रजापति: मुख्यमन्त्रिणा प्रदत्त–सहाय्याय कृतज्ञतां व्यक्तवान्।
यथार्थतः, २४–२८ फरवरीमासे अल्बानियादेशे आयोजिते वर्ल्ड रेस्लिङ्ग् प्रतियोगितायाम् प्रियांशी २६ फरवरीमासे संग्रामं जितवती। सा कजाकिस्तान-, अमेरिका- तथा अल्बानियदेशीय–मल्ला: पराजित्वा उत्कृष्टरूपेण प्रदर्शनं कृतवती। गतवर्षे एशियन–सीरीज-मध्ये अपि तया स्वर्ण–पदकम् प्राप्तं, यत् देशस्य च प्रदेशस्य च मानं आरोहयत्।
मुख्यमन्त्री डॉ.यादवः प्रियांशीं उत्कृष्ट–प्रदर्शनस्य रजत–पदक–प्राप्तेः निमित्तं अभिनन्दनं अपि कृतवान्।
उल्लेखनीयं यत् सम्प्रति मध्य-पूर्व-एशियाक्षेत्रे वर्द्धमानं युद्ध–चिन्ताया: कारणात् प्रियांशी-इत्यनया सहितः अन्ये च क्रीडिका: तत्र अवरुद्धा: आसन्।
हिन्दुस्थान समाचार / अंशु गुप्ता