Enter your Email Address to subscribe to our newsletters
भुवनेश्वरम्, 05 मार्चमासः(हि.स.)।
श्रीजगन्नाथमन्दिरप्रशासनेन २८ फरवरी दिवसे पुरीस्थिते श्रीजगन्नाथमन्दिरे अनुष्ठानानां विलम्बस्य विषये त्रयाणां सेवायतानां प्रति “कारणं दर्शयतु” इति सूचनापत्रं निर्गतम्। मन्दिरप्रशासनस्य मुख्यप्रशासकः डॉ. अरबिंद कुमार पाढी रामकृष्ण खुंटिया, माधव खुंटिया तथा मधुसूदन खुंटिया इत्येतेषां प्रति सूचनापत्रं प्रेषयित्वा कथितानुशासनहीनतायाः विषये स्पष्टीकरणं याचितवान्।
एतेषां सेवायतानां विरुद्धम् आरोपः अस्ति यत् ते निर्धारितानां अनुष्ठानानां सञ्चालनस्य समये अन्यान् सेवायतान् बाधितवन्तः तथा तस्मिन् दिवसे मन्दिराधिकारिभिः सह दुर्व्यवहारम् अपि कृतवन्तः। मन्दिरप्रशासनेन एतेभ्यः सेवायतेभ्यः सप्तदिनानां अन्तर्गतं स्वस्य उत्तरं प्रस्तुतुं निर्देशः दत्तः।
अस्मिन् विषये प्रतिक्रिया प्रदाय मुख्यप्रशासकः उक्तवान् यत् मन्दिरस्य अधिकांशाः सेवायताः स्वकर्तव्यं ईमानदारीया अनुशासनेन च पालनं कुर्वन्ति, किन्तु केचन जनाः व्यवस्थायां बाधां जनयन्ति। स स्पष्टतया उक्तवान् यत् मन्दिरपरिसरे अनुशासनहीनता कस्यापि अवस्थायां सहनीया न भविष्यति तथा दोषिणां विरुद्धं कठोरकार्या अवश्यमेव क्रियिष्यते।
उल्लेखनीयम् यत् २८ फरवरी दिवसे विशिष्टातिथिश्रद्धालुभ्यः प्रदीयमानविशेषसुविधासम्बन्धे जातस्य विवादस्य कारणेन भगवान् जगन्नाथ, भगवान् बलभद्र तथा देवी सुभद्रा इत्येषां अनुष्ठानानि अनेकघण्टापर्यन्तं विलम्बितानि अभवन्। अस्य व्यवधानस्य कारणेन श्रद्धालवः अत्यधिकाम् असुविधाम् अनुभवितवन्तः। बहवः भक्ताः महाप्रसादप्राप्तये चतुर्घण्टाभ्यः अधिककालं प्रतीक्षितवन्तः, येन तस्मिन् दिवसे मन्दिरे उपस्थितेषु तीर्थयात्रिषु व्यापकः असन्तोषः दृष्टः।
---------------
हिन्दुस्थान समाचार