सहरसा, 05 मार्चमासः (हि.स.)।

नगरस्य मत्स्यगन्धा झीलस्थे वैदेही कला संग्रहालये संस्थापकस्य डॉ ओमप्रकाश भारती इत्यस्य नेतृत्वे त्रिदिवसीयः वैदेही कला महोत्सवः आयोजितः भविष्यति। डॉ भारती अवदत् यत् भारत सरकारस्य संस्कृति मन्त्रालयस्य सहयोगेन बटोही संस्था इत्यया आयोजितः अयं त्रिदिवसीयः वैदेही कला महोत्सवः मार्चमासस्य 7 तः 9 तिथिपर्यन्तं सहरसा जनपदस्य मनखाही इत्यत्र आयोजितः भविष्यति।

तेन उक्तं यत् रामायणकला विषयकः अन्ताराष्ट्रियः महोत्सवः संगोष्ठी च आयोजितौ भविष्यतः, यस्मिन् छऊ नृत्यं, काठनाच, नटुवा नाच तथा नारदी कीर्तनस्य विशेषकार्यक्रमाः अपि आयोजिताः भविष्यन्ति। अस्य संस्थायाः प्रमुखः उद्देश्यः विलुप्यमानां सांस्कृतिकधरोहरां पुनः प्रकाशयितुम् अस्ति।

अस्मिन् महोत्सवे रामखोलिया, जालान झापा नेपालदेशात्, पश्चिमबंगालात्, असमराज्यात्, मणिपुरात्, मिजोरमात्, त्रिपुरात् च अन्येभ्यः राज्येभ्यः अपि अनेकाः कलाकाराः भागं गृह्णन्ति।

तेन अपि उक्तं यत् सहरसा प्रदेशस्य भूमि कला संस्कृत्योः समृद्धभूमिरूपेण प्रसिद्धा अस्ति। अत्रस्थाः कलाकाराः तथा स्थानीयजनाः स्वस्य प्राचीनां कला संस्कृतिं निक्षेपं च प्रकाशयन्तः तस्य संरक्षणं संवर्धनं च कर्तुं प्रयत्नशीलाः सन्ति।

संग्रहालयेन बटोही संस्थया च स्थानीयजनानां मध्ये स्वप्राचीननिक्षेपस्य प्रति दृढसंकल्पभावना जाग्रता क्रियते, यत् एषा धरोहरा अक्षुण्णरूपेण संरक्षिता भवेत्।

हिन्दुस्थान समाचार