Enter your Email Address to subscribe to our newsletters
नवदिल्ली, 06 मार्चमासः (हि.स.)।केन्द्रसर्वकारेण उद्योगाधारितकौशलविकासस्य सुदृढीकरणाय यूनां च उन्नतस्वयंचालितयाननिर्माणक्षेत्रे प्रशिक्षणप्रदानार्थं बजाज ऑटो लिमिटेड इत्यनेन सह समझौता कृतम्। अस्य सहयोगस्य अन्तर्गतं युवभ्यः वास्तविकउत्पादनपरिसरे आधुनिकप्रौद्योगिकीनाम् अनुभवः प्रदास्यते तथा ते रोजगाराय सज्जाः भविष्यन्ति।
कौशलविकासोद्यमितामन्त्रालयेन (एमएसडीई) सूचितं यत् मन्त्रालयस्य अधीनस्थेन प्रशिक्षणमहानिदेशालयेन (डीजीटी) बजाज ऑटो लिमिटेड इत्यनेन सह फ्लेक्सी एमओयू इत्यस्य हस्ताक्षरः कृतः। अस्य समझौत्याः अन्तर्गतं बजाज ऑटो उद्योगप्रशिक्षणसहभागिरूपेण (आईटीपी) कार्यं करिष्यति तथा महाराष्ट्रे उत्तराखण्डे च स्थितेषु स्वनिर्माणसंयन्त्रेषु एनएसक्यूएफ अनुकूलानि प्रशिक्षणकार्यक्रमाणि सञ्चालयिष्यति। प्रथमवर्षे एव संस्था 1000 प्रशिक्षार्थिनः सम्मिलितुं प्रस्तावं कृतवती। एतेषां कार्यक्रमाणां अवधि 24 मासपर्यन्ता भविष्यति, यस्मिन् कक्षाशिक्षणेन सह अत्याधुनिकउत्पादनप्रणालीषु व्यावहारिकप्रशिक्षणं प्रदास्यते।
कौशलविकासोद्यमिताराज्यमन्त्री (स्वतन्त्रप्रभारः) तथा शिक्षाराज्यमन्त्री जयन्त चौधरी अवदत् यत् एषा भागीदारी भारतदेशे उद्योगाधारितकौशलविकासस्य सुदृढीकरणे महत्त्वपूर्णः चरणः अस्ति। सः अवदत् यत् यदा प्रशिक्षणं वास्तविकउत्पादनपरिसरे आधुनिकप्रौद्योगिकीभिः सह संयोजितं भवति तदा युवानः व्यावहारिकानुभवं प्राप्नुवन्ति तथा जीविकायै सज्जाः भवन्ति।
हस्ताक्षरसमारोहे मन्त्रालयस्य सचिवा देबाश्री मुखर्जी, डीजीटी महानिदेशकः दिलीप कुमार, उपमहानिदेशकः सुनील कुमार गुप्ता तथा अन्ये वरिष्ठाः अधिकारिणः उपस्थिताः आसन्। बजाज ऑटो पक्षतः मुख्यमानवसंसाधनाधिकारी रवि किरण रामासामी सहिताः कम्पनीप्रतिनिधयः अपि सहभागीभवन्ति स्म।
फ्लेक्सी एमओयू योजनायाः अन्तर्गतं उद्योगानां कृते उद्भवमानप्रौद्योगिकीभ्यः क्षेत्रीयमागण्याः च अनुरूपं प्रशिक्षणकार्यक्रमनिर्माणस्य सुविधा दीयते। अस्यां योजनायां न्यूनतमं 100 प्रशिक्षार्थिनां वार्षिकक्षमता, उद्योगाधारितमूल्याङ्कनं तथा डीजीटी द्वारा आयोजितः संगणकाधारितपरीक्षा अपि अन्तर्भवति। सफलाः अभ्यर्थिनः राष्ट्रीयव्यवसायप्रमाणपत्रम् (एनटीसी) प्राप्स्यन्ति, येन तेषां कृते अप्रेन्टिसशिप् अवसराः लभ्यन्ते।
प्रशिक्षार्थिनः ऑटोमोटिव् निर्माणप्रणाली, गुणवत्ता-नियन्त्रणम्, संयन्त्रपरिरक्षणम्, मेक्ट्रॉनिक्स्, वेल्डिंग्, असेम्ब्ली संचालनम् तथा लॉजिस्टिक्स् प्रबन्धनम् इत्यादिषु प्रौद्योगिकीषु अनुभवम् अवाप्स्यन्ति। अनेन सहयोगेन प्रशिक्षार्थिनां रोजगारक्षमता वर्धिष्यते तथा उद्योगस्य कृते कुशलतकनीशियनानां निरन्तरप्रवाहः सृज्यते।
योजनायाः निर्देशानुसारम् उद्योगप्रशिक्षणसहभागिभिः न्यूनतमं 50 प्रतिशतं सफलप्रशिक्षार्थिनां नियुक्तिः सुनिश्चितीकरणीया। बजाज ऑटो कौशलविकासस्य प्रति दृढप्रतिबद्धतां दर्शितवती अस्ति तथा स्वस्य सीएसआर व्ययस्य 70 80 प्रतिशतं भागं अस्मिन् क्षेत्रे निवेशितवती।संस्था पूर्वमेव “बजाज इंजीनियरिंग स्किल्स ट्रेनिंग”, “बजाज मैन्युफैक्चरिंग सिस्टम्स” तथा “बजाज स्टेप” इत्यादिभिः कार्यक्रमैः प्रतिवर्षं 90000 अधिकान् विद्यार्थिनः प्रभावितवती अस्ति। एषः सहमतिः दशवर्षपर्यन्तं वैधः भविष्यति तथा प्रदर्शनस्य आधारेण अग्रे अपि विस्तारितुं शक्यते।
---------------
हिन्दुस्थान समाचार