Enter your Email Address to subscribe to our newsletters
रायपुरम्, 06 मार्चमासः (हि.स.)।
मुख्यमन्त्री विष्णुदेव सायः जशपुर-जनपदस्य दुलदुला-विकासखण्ड-अन्तर्गतस्य ग्राम-गोडा अम्बा-समीपे जातायाः बस-दुर्घटनायाः विषये गाढं शोकं व्यक्तवान्। तेन अस्याम् दुर्घटनायां जनानां असामयिक-निधनं प्रति गहन-संवेदनाः व्यक्ताः कृत्वा उक्तं यत् एषः समाचारः अत्यन्तं दुःखदः हृदय-विदारकश्च अस्ति।
मुख्यमन्त्री साय ईश्वरं प्रति प्रार्थनां कृतवान् यत् दिवंगत-आत्मानां शान्तिं ददातु तथा शोक-सन्तप्त-परिजनान् अस्यां कठिन-घटिकायां सहन-शक्तिं प्रददातु। तेन दुर्घटनायां आहतानां सर्वेषां व्यक्तीनां शीघ्र-स्वास्थ्य-लाभाय कामना कृता।
मुख्यमन्त्री जिलाप्रशासनं निर्देशितवान् यत् दुर्घटनायां आहतानां सर्वेषां जनानां उपचार-कार्ये कस्यापि प्रकारस्य न्यूनता न भवेत् तथा तेषां कृते सर्वाः आवश्यकाः चिकित्सासुविधाः तथा साहाय्यं सम्यक् उपलब्धं क्रियन्ताम्। तेन अधिकारिणः अपि आदेशिताः यत् राहत्-उद्धार-कार्याणां सततं निरीक्षणं कुर्वन्तु तथा प्रभावित-परिवाराणां कृते आवश्यकं सहयोगं सुनिश्चितं कुर्वन्तु।
---------------
हिन्दुस्थान समाचार