कानपुरनगरम्, ०६ मार्चमासः (हि.स.) — राष्ट्रीय–स्वयंसेवक–संघस्य (आरएसएस) विचार–परिवारस्य समन्वय–सभायां सहभागं कर्तुं मुख्यमन्त्री योगी–आदित्यनाथः शुक्रवासरे कानपुरं प्राप्तवान्। तस्य हेलिकॉप्टरयविमानं चन्द्रशेखर–आज़ाद–कृषि–प्रौद्योगिकी–विश्वविद्यालयस्य परिसरस्थे हेलिपदस्थले अवतरत्, यत्र भाजपायाः जनप्रतिनिधिभिः पदाधिकारिभिः च तस्य स्वागतं कृतम्।नवाबगञ्ज–स्थिते पण्डित–दीनदयाल–उपाध्याय–सनातन–धर्म–विद्यालये आयोजितायां अस्यां सभायां मुख्यमन्त्री योगी–आदित्यनाथः प्रायः सार्धद्विघण्टाकालं विभिन्न–सङ्घटनानां पदाधिकारिभिः सह मन्त्रणां करिष्यति। अस्मिन् सभासमागमे भाजपायाः प्रदेशाध्यक्षेण भूपेन्द्र–सिंह–चौधरिणा, प्रदेश–महामन्त्रिणा (सङ्घटनम्) धर्मपाल–सिंहेन सह विचार–परिवारस्य अन्ये अपि प्रमुख–पदाधिकारिण: उपस्थिताः भविष्यन्ति।

अस्यां सभायां अग्रिमे २०२७ वर्षे भविष्यतः विधानसभानिर्वाचनस्य सन्दर्भे सङ्घटनात्मक–रणनीतिः, जनसम्पर्क–अभियानं तथा अन्ये राजनैतिक–विषयाः अपि चर्चायां भविष्यन्ति। तेन सह संघ–भाजपापक्षयोः मध्ये समन्वयस्य अधिकं सुदृढीकरणं कर्तुं विषये अपि विचार–विमर्शः भविष्यति।

सभायाः अनन्तरं मुख्यमन्त्री योगी–आदित्यनाथः किदवई–नगर–स्थितं भाजपाविधायकस्य महेश–त्रिवेदी इत्यस्य निवासं गमिष्यति। तत्र सः विधायकस्य पुत्रं, यस्य सम्प्रतिकाले विवाहः सम्पन्नः, तस्मै नवदम्पत्यै आशीर्वादं दास्यति। समाचार–लेखन–समये मुख्यमन्त्री कार्यक्रम–स्थले एव उपस्थितः अस्ति, प्रदेशाध्यक्षः पंकज–चौधरी विमानस्थानकं प्रति प्रस्थितः।

हिन्दुस्थान समाचार / अंशु गुप्ता