Enter your Email Address to subscribe to our newsletters
मुरादाबादनगरम्, ०६ मार्चमासः (हि.स.)। पीतलनगरी–निवासी कुणालः अरोडा टेबल–टेनिस–राष्ट्रीय–चैम्पियनशिपमध्ये एकं स्वर्णं एकं कांस्यपदकं च अर्जितवान्। मध्यप्रदेश–राज्ये इन्दौर–नगरे आयोजिता UTT पारा–सीनियर-टेबल–टेन्निस-नेशनल–चैम्पियनशिप २०२५–२६ २६ फरवरीमासतः ३ मार्चमासपर्यन्तं सम्पन्ना आसीत्।
प्रकाश–एन्क्लेव–कॉलोनी–निवासी कुणालस्य पिता यशपालः अरोडा उक्तवान् यत् एतयो: पदकयोरपि अर्जनात् पूर्वं कुणालः समग्रे ३५ पदकानि प्राप्नोत्। तेषु राष्ट्रीय–तथा अन्ताराष्ट्रिय–पदकानि सम्मिलितानि सन्ति। UTT पारा–सीनियर–टेबल–टेनिस -चैम्पियनशिपमध्ये द्वयोः पदकयोः विजयानन्तरं कुणालः भारतदेशे पुनः प्रथमे स्थाने प्राप्तवान्।
कुणालः स्वस्य विजयं सदैव एव मातृ–पितृ–यशपालः अरोडा, सोनिया अरोडा च, तथा प्रशिक्षकस्य योगदानं प्रति समर्पितवान्। प्रकाश–एन्क्लेव–कॉलोनी–निवासिनः होली–उत्सव–अवसरे तं भव्य–स्वागतं कृत्वा सम्मानितवन्तः।
हिन्दुस्थान समाचार / अंशु गुप्ता