Enter your Email Address to subscribe to our newsletters
जौनपुरम्,06 मार्चमासः (हि.स.)। उत्तरप्रदेशस्य जौनपुरजनपदे मच्छलीशहरलोकसभाक्षेत्रस्य सांसदाया प्रिया सरोज इत्यस्याः प्रयासैः लखनऊ वाराणसी सुपरफास्ट शटल एक्सप्रेस नामकस्य रेलयानस्य २०४०१ २०४०२ क्रमाङ्कयुक्तस्य ठहरावः अधुना जलालगञ्ज रेलस्थानके आरब्धः।
शुक्रवासरे रेलयानं स्वनियतसमये जलालगञ्ज स्थानकं प्राप्तम्, यत्र पूर्वमेव उपस्थितैः शतशः क्षेत्रवासिभिः समाजवादीपक्षस्य कार्यकर्तृभिश्च ढोलनगाडैः सह तस्य उत्साहपूर्वकं स्वागतं कृतम्। अस्मिन् अवसरे रेलविभागस्य अधिकारिणां उपस्थितौ सांसदाया प्रिया सरोज इत्यया हरितध्वजप्रदर्शनेन रेलयानं अग्रे प्रेषितम्।
रेलयानस्य स्थगनस्य आरम्भात् क्षेत्रे हर्षोल्लासस्य वातावरणं दृष्टम् तथा जनाः एतत् दीर्घकालात् प्रचलितायाः मांगायाः पूर्तिः इति उक्तवन्तः। सांसदाया प्रिया सरोज उक्तवती यत् जलालगञ्ज स्थानके प्रमुखरेलयानानां ठहरावस्य मागा दीर्घकालात् क्षेत्रीयजनतया क्रियमाणा आसीत्। एतत् विषयं सा लोकसभायाः प्रश्नकाले अपि उत्थापितवती तथा रेलमन्त्रिणं प्रति पत्रं लिखित्वा जलालगञ्ज स्थानके रेलयानानां स्थगनस्य आवश्यकतां निवेदितवती।
स्वपत्रे सा लिखितवती यत् मच्छलीशहरलोकसभाक्षेत्रस्य जलालगञ्ज तथा समीपस्थेषु ग्रामक्षेत्रेषु वसन्तः सहस्रशः यात्रिकाः लखनऊ वाराणसी नगरयोः गन्तुं अन्येषु स्थानकेषु आश्रिताः भवन्ति। अनेन यात्रिकाणां समयस्य धनस्य च अतिरिक्तव्ययः भवति।
उत्तररेलवे लखनऊमण्डलस्य पक्षतः मण्डलरेलप्रबन्धकः सुनीलकुमारवर्मा इत्यनेन निर्गतेन आधिकारिकपत्रेण लखनऊ वाराणसी सुपरफास्ट शटल एक्सप्रेस रेलयानस्य जलालगञ्ज स्थानके ठहरावः अनुमोदितः इति पुष्टि कृता आसीत्।
सांसदाया प्रिया सरोज उक्तवती यत् अस्य सुविधायाः लाभः विद्यार्थिभ्यः सेवाकार्ये नियोजितेभ्यः व्यापारिभ्यश्च प्रत्यक्षरूपेण भविष्यति। समीपवर्तीषु ग्रामक्षेत्रेषु वसन्तः यात्रिकाः अधुना अन्येषु स्थानकेषु दीर्घदूरं गन्तुं न बाध्याः भविष्यन्ति।
स्थानीयनागरिकाः सांसदाया प्रयासान् प्रशंसन्तः एतत् क्षेत्रस्य विकासदिशि महत्वपूर्णं पादक्षेपः इति उक्तवन्तः।
हिन्दुस्थान समाचार