Enter your Email Address to subscribe to our newsletters
नवदिल्ली, 06 मार्चमासः (हि.स.)।
अन्ताराष्ट्रियमहिलादिवसस्य उपलक्ष्ये राष्ट्रियमहिलाआयोगः (एनसीडब्ल्यू) देशव्यापिनि महिलानां कृते जनश्रवणस्य राष्ट्रव्यापीकार्यक्रमस्य आरम्भं कर्तुं सज्जः अस्ति। अस्य अभियानस्य अन्तर्गतं आयोगेन देशस्य प्रायः ५०० जिल्लासु महिला-जनश्रवणकार्यक्रमाः आयोजिताः भविष्यन्ति, ये सप्ताहपर्यन्तं प्रवर्तिष्यन्ते। एषा पहल आयोगस्य प्रमुखजनसम्पर्ककार्यक्रमस्य “राष्ट्रियमहिलाआयोगः भवतां द्वारे” इत्यस्य विस्ताररूपेण अस्ति।
राष्ट्रियमहिलाआयोगे शुक्रवासरे आयोजितायां पत्रकारपरिषदायां अध्यक्षा विजया रहाटकर उक्तवती यत् एताभिः जनश्रवणसभाभिः वयं प्रत्यक्षतया महिलानां वचनं श्रोतुम्, तासां शिकायतानां समाधानं कर्तुम् तथा व्यवस्थायां विश्वासं सुदृढं कर्तुं इच्छामः।
अस्मिन् ऐतिहासिके जनसम्पर्काभियाने देशस्य प्रायः ५०० जिलाः, २५ राज्याः तथा केन्द्रशासितप्रदेशाः आवृताः भविष्यन्ति। एषः भारतदेशे महिलानां कृते आयोजितेषु महत्तमेषु समन्वितेषु सार्वजनिक-शिकायत-निवारणाभियानेषु एकः भविष्यति।
सा अपि उक्तवती यत् अस्य पहलस्य विशेषा विशेषता उत्तरप्रदेशस्य व्यापकसहभागिता अस्ति, यत्र ७५ जिलेषु महिला-जनश्रवणकार्यक्रमाः आयोज्यन्ते, येन ग्रामस्तरे महिलाभ्यः व्यापकसंपर्कः सुनिश्चितः भविष्यति। मणिपुरराज्ये अपि कठिनपरिस्थितिषु अपि पञ्च महिला-जनश्रवणकार्यक्रमाः आयोज्यन्ते।
अन्ये अपि अनेकाः राज्याः अस्मिन् अभियाने सक्रियतया सहभागी भवन्ति। विजया रहाटकर अवदत् यत् आन्ध्रप्रदेशे तथा छत्तीसगढराज्ये ९ मार्चतः १३ मार्च २०२६ पर्यन्तं पञ्च-पञ्च जिलेषु जनश्रवणकार्यक्रमाः भविष्यन्ति। केरलराज्ये तथा मणिपुरे अपि पञ्च-पञ्च जिलेषु एते कार्यक्रमाः आयोजिताः भविष्यन्ति। त्रिपुराराज्ये ८ मार्चतः १३ मार्चपर्यन्तं सर्वेषु अष्टसु जिलेषु जनश्रवणं भविष्यति, ओडिशाराज्ये तु ६ मार्चतः २३ मार्चपर्यन्तं अष्टसु जिलेषु एते कार्यक्रमाः आयोज्यन्ते। नागालैण्डराज्ये ९ मार्चतः १३ मार्चपर्यन्तं एकादशसु जिलेषु तथा उत्तराखण्डराज्ये अपि ९ मार्चतः १३ मार्चपर्यन्तं पञ्चसु जिलेषु महिला-जनश्रवणकार्यक्रमाः भविष्यन्ति।
सा उक्तवती यत् येषु राज्येषु राज्यमहिलाआयोगस्य अध्यक्षपदं अधुना रिक्तम् अस्ति, तत्र स्वयमेव महिला-जनश्रवणकार्यक्रमाः आयोजयिष्यामि, येन तेषां क्षेत्राणां महिलाः अपि प्रत्यक्षतया शिकायत-निवारणव्यवस्थां प्राप्तुं शक्नुयुः। एतेषु राज्येषु राजस्थानम्, गुजरातः, मध्यप्रदेशः, तेलङ्गानः तथा झारखण्डः अन्तर्भवन्ति।
सा अपि अवदत् यत् अस्य देशव्यापिनः प्रयासस्य माध्यमेन आयोगस्य लक्ष्यं प्रायः १५,००० शिकायतानां समाधानं कर्तुम् अस्ति। एतेषु प्रत्यक्षतया प्रस्तुताः आवेदनाः तथा पूर्वं पञ्जीकृताः प्रकरणाः अपि अन्तर्भवन्ति। अनेन महिलाभ्यः समयोचितसहायता लभ्यते तथा संस्थागतप्रतिक्रियातन्त्रं अपि अधिकं सुदृढीभविष्यति।
---------------
हिन्दुस्थान समाचार