दतियानगरम्, ०६ मार्चमासः (हि.स.)। संघ–लोक–सेवा–आयोगस्य (यूपीएससी) परीक्षायां मध्यप्रदेशस्य दतिया–जनपदस्य निवासी विश्वजीत–गुप्तः ६७तमं स्थानं प्राप्य जनपदस्य नाम गौरवान्वितं कृतवान्। परिणाम–घोषणाया: अनन्तरं तस्य गृहे अभिनन्दनार्थं आगतानां जनानां निरन्तरं आगमनं जातम्।

विश्वजीत–गुप्तः शिक्षकस्य अशोक–कुमार–गुप्तस्य पुत्रः अस्ति। तस्य पिता अशोक–कुमार–गुप्तः मूलतः दतिया–जनपदस्य दिगुंवा–ग्रामस्य निवासी अस्ति तथा अधुना डांग–करैरा इत्यत्र पदस्थः अस्ति। तस्या: माता उमा–गुप्ता अपि माध्यमिक–शिक्षिका अस्ति तथा पलोथर इत्यत्र कार्यरताऽस्ति।

उपलब्ध–सूचनानुसारं विश्वजीतः दतिया–नगरे आरएलपीएस–विद्यालयस्य समीपे स्थितात् स्वगृहात् अध्ययनं कृत्वा अग्रे प्रस्थितवान्। अनन्तरं सः दिल्ली–नगरे निवसन् संघ–लोक–सेवा–आयोगस्य परीक्षायाः सिद्धतां कुर्वन् आसीत्। निरन्तर–परिश्रमस्य दृढ–लग्नतायाः च फलस्वरूपम् अन्ततः अस्यां प्रतिष्ठितायां परीक्षायां सः सफलतां प्राप्नोत्।

विश्वजीत–गुप्तस्य अस्य उपलब्धेः कारणेन परिवार–जनानां, सम्बन्धिनां तथा जनपदवासिनां मध्ये हर्षस्य वातावरणं दृश्यते। स्थानीय–नागरिकैः परिचितैः च तस्मै अभिनन्दनं दत्वा तस्य उज्ज्वल–भविष्यस्य कामना कृता। अस्य सफलता अन्येषां यूनां प्रेरणास्रोतः अपि अभवत्।

हिन्दुस्थान समाचार / अंशु गुप्ता