सोनीपतनगरम्, ०७ मार्चमास: (हि.स.) — किशोर–न्याय–मण्डलस्य सोनीपत–जनपदस्य जूरी–सदस्या डॉ.सुमन–मंजरी अवदत् यत् कन्यानां शिक्षणं, तासां आत्मविश्वासस्य वर्धनं तथा ताभ्यः सुरक्षितं वातावरणं प्रदातुं अत्यावश्यकम् अस्ति, यतः ताः भयेन विना स्वजीवनस्य निर्णयान् स्वयमेव कर्तुं समर्थाः भवन्ति। सा कामी–मार्गे स्थिते पूर्णमूर्ति–विधि–महाविद्यालये अन्ताराष्ट्रिय–महिला–दिवसस्य उपलक्ष्ये शनिवासरे मुख्यातिथिरूपेण सम्बोधयन्ती आसीत्।

मुख्यातिथिः डॉ.सुमन–मंजरी स्वसम्बोधने अवदत् यत् अन्ताराष्ट्रिय–महिला–दिवसः प्रतिवर्षं मार्च–मासस्य अष्टमे दिने महिलानां उपलब्धीनां सम्मानार्थं लैङ्गिक–समानतायाः संकल्परूपेण च आचर्यते। अद्य महिलाः सेना–क्षेत्रे, विज्ञान–क्षेत्रे, क्रीडा–क्षेत्रे, राजनीतिक्षेत्रे, प्रशासनक्षेत्रे व्यापारक्षेत्रे च उल्लेखनीयाः उपलब्धयः प्राप्तवन्त्यः सन्ति। तथापि समाजे महिलाः हिंसा, आर्थिक–असमानता, सामाजिक–उपेक्षा तथा स्वास्थ्य–सम्बद्ध–समस्याभिः अद्यापि समक्षं कुर्वन्ति। एतासां समस्याः केवलं सामूहिक–प्रयत्नैः एव समाधानं प्राप्नुयुः इति सा उक्तवती।

सा अपि अवदत् यत् महिला–सशक्तीकरणं केवलं शासनस्य दायित्वं न, अपितु समाजस्य प्रत्येकं नागरिकस्य अपि कर्तव्यं भवति।

पूर्णमूर्ति–विद्यापीठस्य अध्यक्षः डॉ.विजयपाल–नैन: अवदत् यत् भारतीय–संस्कृतौ नारी सदैव सम्मानं उच्चस्थानं च प्राप्तवती अस्ति। देवी सरस्वती, देवी लक्ष्मी: तथा माता दुर्गा–रूपेण नारी ज्ञानस्य समृद्धेः शक्तेः च प्रतीकत्वेन माक्ष क्षमन्यते। अद्य महिलाः सर्वेषु क्षेत्रेषु स्वप्रतिभां प्रदर्शयन्त्यः उल्लेखनीयाः सफलताः प्राप्नुवन्ति। महिलानां कृते नूतनाः अवसराः अपि उद्घाटिताः सन्ति। चन्द्रयानम्–३ इत्यस्य सफलतायां अपि अनेकासां महिला–वैज्ञानिकानां अभियन्तॄणां च महत्वपूर्णा भूमिका आसीत्।

परिवारस्य समाजस्य च विकासे महिलानां भूमिका अत्यन्तं महत्वपूर्णा अस्ति। कार्यक्रमस्य आरम्भः मातु: सरस्वत्याः चित्रस्य समक्षं दीपप्रज्वलनेन अभवत्। अस्मिन् कार्यक्रमे छात्राभ्यः महिला–प्राध्यापिकाभ्यः च गीत–संगीत–कविता–पाठादीनां सांस्कृतिक–कार्यक्रमाणां आयोजनम् अभवत्। छात्राभिः स्वप्रतिभायाः प्रदर्शनं कृत्वा महिला–सशक्तीकरणस्य सन्देशः प्रदत्तः।

समापनावसरे मुख्यातिथये प्रावारं स्मृति–चिह्नं च प्रदाय सम्मानं कृतं तथा सर्वैः महिलानां सम्मान–सशक्तीकरणयोः संकल्पः पुनः व्यक्तः।

हिन्दुस्थान समाचार / अंशु गुप्ता