- आराष्ट्रम् 25 महिलाः बाइकचालिकाः करिष्यन्ति भोपालतः खजुराहोपर्यन्तां 1,400 किमीमितां लंबां बाइक ट्रेलकार्यम्

भोपालम्, 07 मार्चमासः (हि.स.)।

मध्यप्रदेशराज्यस्य मुख्यमन्त्री डॉ. मोहनयादवः अद्य शनिवासरे भोपालनगरे मुख्यमन्त्रिनिवासात् प्रातः नववादने “क्वीन्स ऑन द व्हील्स” इत्यस्य तृतीयसंस्करणस्य ध्वजारोहणपूर्वकं प्रस्थानं करिष्यति। मुख्यमन्त्री प्रदेशस्य समृद्धान् ऐतिहासिकान् पर्यटनगन्तव्यान् देशविदेशेषु प्रचारयितुं उद्देश्येन पञ्चविंशतिः महिलासुपरबाइकचालिकाः हरितध्वजेन प्रेषयिष्यति।

मध्यप्रदेशपर्यटनमण्डलस्य प्रबन्धसञ्चालकः डॉ. इलैयराजाटी उक्तवान् यत् “क्वीन्स ऑन द व्हील्स” इत्यस्य पूर्वयोः द्वयोः संस्करणयोः सफलतायाः अनन्तरं महिलासशक्तीकरणं स्वातन्त्र्यं विरासत् च केन्द्रितं एतत् सप्तदिवसीयं आयोजनं भोपालतः खजुराहोपर्यन्तं प्रायः चतुर्दशशत किलोमीटरदीर्घां बाइकयात्रां पूर्णं करिष्यति।

तेन उक्तं यत् मध्यप्रदेशपर्यटनमण्डलस्य एषा पहल “क्वीन्स ऑन द व्हील्स” केवलं बाइकयात्रा नास्ति, अपि तु महिलासशक्तीकरणस्य साहसस्य च मध्यप्रदेशस्य समृद्धसांस्कृतिकपर्यटनधरोहरायाः उत्सवः अस्ति। अस्माकं गौरवं यत् देशस्य विभिन्नप्रदेशेभ्यः आगताः पञ्चविंशतिः महिलासुपरबाइकचालिकाः अस्य अद्वितीययात्रायाः माध्यमेन भोपालतः खजुराहोपर्यन्तं प्रदेशस्य विविधपर्यटनस्थलानां अनुभवम् अवाप्स्यन्ति तथा च तेषां प्रचारप्रसारे देशविदेशेषु योगदानं दास्यन्ति। मध्यप्रदेशपर्यटनमण्डलस्य उद्देश्यं एतादृशैः नवोन्मेषपूर्णकार्यक्रमैः प्रदेशं सुरक्षितं रोमाञ्चकरं विश्वस्तरीयं पर्यटनगन्तव्यरूपेण प्रतिष्ठापयितुम् अस्ति।

१३ मार्च दिनाङ्के भोपालनगरे समापनम्

प्रबन्धसञ्चालकः डॉ. इलैयराजः अवदत् यत् भोपालतः आरभ्यमाणा एषा सप्तदिवसीया यात्रा सांची उदयगिरि चन्देरी शिवपुरी कूनो ग्वालियर दतिया ओरछा खजुराहो च इत्येतेषु स्थलेषु गत्वा पुनः भोपालनगरे एव १३ मार्च दिनाङ्के समाप्ता भविष्यति।

मध्यप्रदेशपर्यटनमण्डलस्य एषः प्रयासः राज्यस्य ऐतिहासिकपुरातात्त्विकधरोहरां प्रमुखतया प्रकाशयिष्यति, तथा च मध्यप्रदेशं महिलाभ्यः सुरक्षितं समृद्धं पर्यटनगन्तव्यरूपेण स्थापितुं सहायकः भविष्यति। अयं अभियानः अल्पप्रसिद्धानां पर्यटनस्थलानां प्रचारं करिष्यति, ग्रामीणपर्यटनपरिपथान् सुदृढान् करिष्यति तथा च सम्पूर्णराज्ये उत्तरदायिपर्यटनस्य प्रोत्साहनस्य सशक्तं माध्यमं भविष्यति।

---------------

हिन्दुस्थान समाचार