Enter your Email Address to subscribe to our newsletters
ग्वालियरम्, 07 मार्चमासः (हि.स.)।
मध्यप्रदेशराज्यस्य ग्वालियरनगरे उच्चशिक्षाविभागस्य माध्यमेन विजयाराजेकन्यास्नातकोत्तरमहाविद्यालये मुरारक्षेत्रे अद्य शनिवासरात् द्विदिवसीया अन्ताराष्ट्रियकार्यशाला आयोज्यते। एषा कार्यशाला भारतीयज्ञानपरम्परा समग्रशिक्षा इति विषये केन्द्रिता अस्ति।
कार्यशालायाः शुभारम्भः प्रातः दशवादने दिल्लीस्थानिवासिना आशुतोषभटनागरेण क्रियते। विशेषवक्तारूपेण दत्तोपन्तठेंगड़ीशोधसंस्थानस्य भोपालस्थितस्य सञ्चालकः डॉ. मुकेशमिश्रः, डलास टेक्सासस्थितः पंकजद्विवेदी, भारतीयशिक्षणमण्डलस्य संयुक्तमहामन्त्री पंकजनाफडे, लखनऊविश्वविद्यालयस्य प्राध्यापिका अलकापाण्डेय तथा जीवाजीविश्वविद्यालयस्य कुलगुरुः डॉ. राजकुमाराचार्य उपस्थिताः भविष्यन्ति। अस्मिन् कार्यशालायां त्रिशताधिकानां प्रतिभागिनां पंजीकरणं कृतम् अस्ति।
अस्यां कार्यशालायां देशस्य अनेकप्रदेशेभ्यः प्रतिभागिनः सहभागिता करिष्यन्ति। तेषु उत्तरप्रदेशः पंजाबः गुजरातः मुम्बई राजस्थानः देहरादून जम्मूकश्मीर च इत्येतेषां स्थानानां प्रतिभागिनः सम्मिलिताः सन्ति। अन्तरराष्ट्रीयसेमिनारस्य प्रथमदिने षट् तकनीकीसत्राणां आयोजनं भविष्यति। एतेषां सत्राणां मुख्यवक्तारः गोवाविश्वविद्यालयस्य डॉ. प्रवीरकुमाररथः, लखनऊविश्वविद्यालयस्य डॉ. अमरेन्द्रकुमारश्रीवास्तवः, दयालबाग आग्राविश्वविद्यालयस्य डॉ. विजयकुमारगांगलः, जीवाजीविश्वविद्यालयस्य पूर्वडीनः डॉ. उमेशहोलानी, आईटीएमविश्वविद्यालयस्य कुलगुरुः डॉ. योगेशः तथा केन्द्रीयविश्वविद्यालयस्य सागरस्थितस्य डॉ. आरपीमिश्रः सन्ति।
कार्यशालायाः द्वितीयदिने अर्थात् ८ मार्च दिनाङ्के चत्वारि तकनीकीसत्राणि आयोज्यन्ते। तेषु वक्तारः निखिलमिश्रः (यूएसए), डॉ. एसकेशर्मा (इलाहाबादविश्वविद्यालयः), डॉ. सीमारेथ (गोवाविश्वविद्यालयः), डॉ. उर्मिलात्रिपाठी (जीआरमेडिकलकॉलेज ग्वालियर) तथा डॉ. अल्पनाचतुर्वेदी (हमीदियाकॉलेज भोपाल) सन्ति।
कार्यशालायां अपराह्णे त्रिवादने आयोजिते कार्यक्रमे मुख्यातिथिरूपेण डॉ. राजेशसिंहतोमरः कुलगुरुः एमिटीविश्वविद्यालय ग्वालियर तथा विशिष्टातिथिरूपेण महाराजाछत्रसालविश्वविद्यालय छतरपुरस्य कुलगुरुः डॉ. राकेशकुशवाहः उपस्थितौ भविष्यतः।
कार्यशालायाः समापनं ९ मार्च दिनाङ्के महाविद्यालयस्य वार्षिकोत्सव पुरस्कारवितरणसमारोहयोः अवसरः क्षेत्रीयसांसदस्य भारतसिंहकुशवाहस्य मुख्यातिथ्ये सम्पन्नं भविष्यति। अस्मिन् समारोह इत्यत्र जीवाजीविश्वविद्यालयस्य कुलगुरुः राजकुमाराचार्यः, डॉ. अनुपमाश्रीवास्तव तथा अन्ये गणमान्यनागरिकाः अपि उपस्थिताः भविष्यन्ति।
---------------
हिन्दुस्थान समाचार