Enter your Email Address to subscribe to our newsletters
काठमांडूः, 07 मार्चमासः(हि.स.)।
नेपालदेशे राष्ट्रिय स्वतन्त्र पार्टी इति दलस्य प्रतिनिधिसभा निर्वाचनेषु विजयं प्राप्तवन्तः अभ्यर्थिनः विजययात्रां न कर्तुं तथा कस्यापि प्रकारस्य विजयउत्सवं न आयोजयितुं निर्देशिताः सन्ति। आरएसपी दलस्य उपाध्यक्षः तथा संघीय निर्वाचन प्रबन्धन समितेः समन्वयकः दडी पी अर्याल विजयी अभ्यर्थिभ्यः उक्तवान् यत् ते उत्सवमननस्य स्थानि स्वकार्येषु एव ध्यानं केन्द्रयन्तु।
सः अवदत् यत् मतदातृभिः यत् उत्तरदायित्वं तेषु निहितं तस्य गम्भीरतया ग्रहणं आवश्यकम्, अतः एषः उत्सवस्य समयः नास्ति। अर्यालः अपि अवदत् यत् देशे जेन जी प्रदर्शनकाले जातासु दुःखदघटनासु षट्सप्ततिः युवानां प्राणहानिः अभवत्। तथा च वैश्विकअस्थिरतायाः परिस्थितौ भव्यउत्सवस्य आयोजनम् उचितं न भवति।
तेन उक्तं यत् जनतया भ्रष्टाचारनिवारणाय सुशासनस्थापनाय च जनादेशः प्रदत्तः। अतः विजयी अभ्यर्थिभिः मतदातॄणाम् अपेक्षाः पूरयितुं प्राथमिकता दातव्या। अर्यालेन अभ्यर्थिभ्यः निर्देशः दत्तः यत् ते पुष्पमालाधारणं मोटरयान अथवा मोटरसाइकिलयात्रा इत्यादीनि प्रदर्शनप्रधानकार्यक्रमान् परित्यजन्तु।
केवलं मतगणनास्थले उपस्थितानां शुभेच्छुकानां प्रति संक्षिप्ताभिवादनस्य एव अनुमतिः प्रदत्ता अस्ति।
-----------
हिन्दुस्थान समाचार