Enter your Email Address to subscribe to our newsletters
- चेन्नईनगरस्य राजीवगांधीचिकित्सालये अस्ति नूतनचिकित्सासुविधानाम् उद्घाटनम्
चेन्नई, 07 मार्चमासः (हि.स.)। तमिलनाडुराज्ये आपत्कालीन-स्वास्थ्यसेवानाम् अधिकं शीघ्रं पारदर्शकं सुलभं च कर्तुं राज्यसर्वकारेण नूतना डिजिटल-पहल आरब्धा। अधुना सामान्यजनाः केवलं व्हाट्सऐप-सन्देशस्य माध्यमेन अपि १०८ एम्बुलेन्स-सेवां आह्वयितुं शक्नुवन्ति। अस्याः नूतन-सुविधायाः उद्देश्यम् आपत्कालीन-कॉल-केन्द्रेषु वर्धमानं भारं न्यूनीकर्तुं तथा जनानां कृते शीघ्र-सहायतां प्रदातुं अस्ति।अस्याः सेवायाः उद्घाटनं शनिवासरे राज्यस्य स्वास्थ्य-मन्त्री मा. सुब्रमणियन कृतवान्। अस्याः योजनायाः अन्तर्गतं जनाः तमिलनाडु-हेल्थ-सिस्टम-प्रोजेक्टस्य आधिकारिक-व्हाट्सऐप-सङ्ख्यायां ९४४५०३०७२५ इत्यत्र “एचआई” इति सन्देशं प्रेष्य एम्बुलेन्स-सेवायाः निवेदनं कर्तुं शक्नुवन्ति। यदा उपयोक्ता “एचआई” इति सन्देशं प्रेषयति तदा तस्मै उपलब्धानां स्वास्थ्य-सेवानां सूची प्रदर्श्यते। तत्र “बुक एम्बुलेन्स” इति विकल्पं चयनं कृत्वा उपयोक्त्रा “सेंड लोकेशन” इति विकल्पेन स्वस्य वर्तमान-स्थानं सहकर्तव्यं भवति।
स्थान-सहकरणानन्तरं प्रणालीमध्ये निवेदनं पञ्जीकृतं भवति तथा उपयोक्त्रे एकं “इन्सिडेण्ट-आईडी” प्रदीयते। अनन्तरं इमरजेंसी-रिस्पॉन्स-केन्द्रात् दूरभाषेण सम्पर्कं कृत्वा एम्बुलेन्स-प्रेषणस्य पुष्टि क्रियते। अस्य सम्पूर्ण-प्रक्रियायाः माध्यमेन एम्बुलेन्स-सेवा अधिका शीघ्रा सुगमा च कृता अस्ति।अस्य व्हाट्सऐप-चैटबॉट-सुविधायां एम्बुलेन्स-यानस्य विवरणं, समीपस्थ-सरकारी-चिकित्सालयस्य जानकारी, एम्बुलेन्स-यानस्य सजीव-ट्रैकिङ्ग् तथा सेवायाः वर्तमान-स्थितेः सम्बन्धिता जानकारी अपि उपलब्धा भविष्यति। अनेन रोगिणः तेषां परिवारजनाश्च एम्बुलेन्स-यानस्य स्थितिं ज्ञातुं शक्नुवन्ति तथा सेवायां पारदर्शिता अपि वर्धिष्यते।
अस्मिन्नेव अवसरे चेन्नई-नगरस्य राजीवगान्धी-सरकारी-जनरल-चिकित्सालये अपि अनेके आधुनिकाः चिकित्सासुविधाः उद्घाटिताः। राज्यसर्वकारस्य २०२४–२०२५ इति वार्षिक-वित्तीयप्रस्तावस्य अन्तर्गतं प्रायः ३.८० कोटि-रूप्यकाणां व्ययेन उच्चगुणवत्तायुक्ता “वेस्कुलर-सी-आर्म” यन्त्रणा तथा “हाइब्रिड-वेस्कुलर-ऑपरेशन-थिएटर” स्थापिता। एतेषां अत्याधुनिक-सुविधानां माध्यमेन एन्जियोप्लास्टी, स्टेण्टिङ्ग् तथा एण्डोवास्कुलर-एनेयूरिज्म-इत्यादयः जटिल-चिकित्साप्रक्रियाः अल्प-छेदेन कर्तुं शक्यन्ते। अनेन रोगिणां जटिलताः रक्तस्रावस्य च जोखिमः न्यूनः भविष्यति, विकिरणस्य प्रभावः अपि घटिष्यति तथा रोगिणः शीघ्रं स्वस्थाः भविष्यन्ति।
अस्य अतिरिक्तं मेरुदण्ड-सम्बद्ध-रोगाणां चिकित्सार्थं “स्पाइन-एण्डोस्कोपी” इति आधुनिक-न्यून-छेदन-प्रविधिः अपि आरब्धा। एषा प्रविधिः विशेषतः लम्बर-डिस्क-समस्यायाः उपचाराय अत्यन्तं प्रभावी मन्यते। अस्याः प्रविधेः माध्यमेन लघु-छेदेन शल्यक्रिया कर्तुं शक्यते, येन ऊतक-क्षतिः न्यूनाभविष्यति, शल्यक्रियानन्तरं वेदना न्यूनतरा भविष्यति, रोगिणः चिकित्सालये अल्पकालं निवसिष्यन्ति तथा शीघ्रं स्वास्थ्यलाभः भविष्यति। एषः स्पाइन-एण्डोस्कोपी-उपकरणः प्रायः २.०३ कोटि-रूप्यकव्ययेन क्रीतः।तथैव राष्ट्रिय-स्वास्थ्य-मिशनस्य अन्तर्गतं चिकित्सालयानां कृते आधुनिक-चिकित्सा-उपकरणानां व्यवस्था अपि कृता। अस्य योजनायाः अन्तर्गतं १३ अत्याधुनिकानि एनेस्थीसिया-वर्कस्टेशन-यन्त्राणि क्रीतानि, येषां प्रति-एककस्य मूल्यं प्रायः १२ लक्ष-रूप्यकाणि अस्ति। समग्रतया १.५६ कोटि-रूप्यकव्ययेन प्राप्तानि एतानि उपकरणानि यथार्थ-एनेस्थीसिया-प्रबन्धनं, वेंटिलेटर-सहाय्यं तथा रोगिणः महत्त्वपूर्ण-शारीरिक-स्थितीनां निरन्तर-निगरानीं सुनिश्चितं करिष्यन्ति। अनेन ऑपरेशन-थिएटरस्य कार्यक्षमता वर्धिष्यते तथा रोगिणां सुरक्षा अपि अधिका भविष्यति।---------------
हिन्दुस्थान समाचार