Enter your Email Address to subscribe to our newsletters
प्रयागराजः, 07 मार्चमासः (हि.स.)।उत्तरप्रदेशे मुख्यमंत्री योगीआदित्यनाथस्य नेतृत्वे सरकार अनुसूचितजातीयानां जनानाम् आर्थिकस्थितिं सुदृढां कर्तुं विविधाः योजनाः सञ्चालनं करोति। अस्याः क्रमस्य अन्तर्गतं पशुपालनविभागस्य माध्यमेन सूकरपालनस्य प्रोत्साहनार्थं अनुदानयोजना सञ्चालनं क्रियते।
एतां सूचनां शनिवासरे प्रयागराजजिलायाः मुख्यपशुचिकित्साधिकारी डॉ. शिवनाथयादवः अदात्।
सः अग्रे अवदत् यत् अनुसूचितजातीयाः लाभार्थिनः अस्याः योजनायाः अन्तर्गतं सूकरपालनं आरभ्य स्वीयां आर्थिकस्थितिं सुदृढां कर्तुं शक्नुवन्ति। योजनायाः अन्तर्गतं समग्रपरियोजनाव्ययः १,४७,४०० रूप्यकाणि निर्धार्यते, यस्मिन् सरकारस्य पक्षतः १,३२,६६० रूप्यकाणां अनुदानं प्रदीयते, लाभार्थिना तु केवलं १४,७४० रूप्यकाणां अंशदानं कर्तव्यं भवति।
सः अपि अवदत् यत् पशुपालननिदेशालयस्य माध्यमेन सञ्चाल्यमानायाः अस्याः योजनायाः उद्देश्यं ग्रामीणक्षेत्रेषु स्वरोजगारस्य अवसरान् वर्धयितुं तथा अनुसूचितजातीयानां जनानां आर्थिकरूपेण आत्मनिर्भरत्वं स्थापयितुं अस्ति।
इच्छुकाः लाभार्थिनः स्वस्य समीपस्थं पशुचिकित्सालयं वा सम्बन्धितं विभागीयकार्यालयं सम्पर्क्य योजनायाः विषये जानकारीं प्राप्य आवेदनं कृत्वा अस्याः लाभं प्राप्नुयुः।
मुख्यपशुचिकित्साधिकारी पात्रलाभार्थिभ्यः अपि अपीलं कृतवान् यत् ते सरकारस्य अस्याः महत्त्वपूर्णायाः योजनायाः लाभं गृहित्वा सूकरपालनं स्वीकुर्वन्तु तथा स्वीयां आयं वर्धयन्तु।
---------------
हिन्दुस्थान समाचार