Enter your Email Address to subscribe to our newsletters
कोलकाता, 07 मार्चमासः (हि.स.)। केन्द्रीयगृहमन्त्री अमितशाहः शनिवासरे हरिद्वारस्थितं बैरागीकैम्पं प्राप्तवान्। तत्र सः उत्तराखण्डसरकारस्य चतुर्वर्षपूर्णतायाः अवसरः आयोजिते कार्यक्रमे सहभागित्वं कृतवान्। अस्मिन् अवसरे केन्द्रीयगृहमन्त्री ११०० कोटिरूप्यकाधिकव्ययेन निर्मितानां अनेकपरियोजनानां लोकार्पणं तथा शिलान्यासं अपि अकरोत्।
कार्यक्रमं सम्बोधयन् केन्द्रीयगृहमन्त्री अमितशाहः उक्तवान् यत् केन्द्रस्य तथा प्रदेशस्य भाजपासरकारः उत्तराखण्डस्य समग्रविकासाय निरन्तरं कार्यं कुर्वन्ति। सः पुष्करसिंहधामी सरकारस्य प्रशंसां कृत्वा अवदत् यत् अद्य राज्यस्य स्वकीया विशेषपहचान अस्ति। उत्तराखण्डः विकासमार्गे अग्रे गच्छति। अद्य अपि बहुमूल्यानां योजनानां लोकार्पणं क्रियते।
कार्यक्रमे अमितशाहः द्विसहस्रसंख्यकान् नूतनान् पुलिसआरक्षिणः नियुक्तिपत्राणि प्रदत्तवान्। तेन सह नागरिकतासंशोधनविधेः (सीएए) अन्तर्गतं अन्यदेशेभ्यः आगतानां हिन्दूनां भारतस्य नागरिकताप्रमाणपत्राणि अपि वितरितानि। शाहः भाजपाकार्यकर्तॄन् उत्तराखण्डे तृतीयवारं भाजपासरकारस्य निर्माणाय संकल्पं कर्तुं प्रेरितवान्। सः मञ्चात् युवान् “मम जिगरस्य खण्डाः” इति संबोध्य आहूतवान्।
अस्मात् पूर्वं कार्यक्रमे प्रदेशस्य मुख्यमन्त्री पुष्करसिंहधामी उक्तवान् यत् राज्ये विकासकार्याणि तीव्रेण गत्या अग्रे नीयन्ते तथा च केन्द्रसरकारात् पूर्णसहयोगः प्राप्यते। हरिद्वारं सहितं सम्पूर्णप्रदेशे मूलभूतसुविधाः दृढीकर्तुं अनेकाः महत्वपूर्णयोजनाः प्रचलन्ति।
कार्यक्रमे केन्द्रीयमन्त्री अजयटम्टा, पूर्वमुख्यमन्त्रिणः त्रिवेन्द्रसिंहरावतः, तीरथसिंहरावतः, विजयबहुगुणः, डॉ. रमेशपोखरियालनिशंकः, विधानसभाध्यक्षः ऋतुखण्डूरी, कैबिनेटमन्त्री सतपालमहाराजः, प्रदेशाध्यक्षः तथा सांसदः महेन्द्रभट्टः इत्यादयः बहवः जनप्रतिनिधयः तथा बहुसंख्यकाः जनाः उपस्थिताः आसन्।-------------------
हिन्दुस्थान समाचार