Enter your Email Address to subscribe to our newsletters
इंदौरम्, 08 मार्चमासः (हि.स.)।
मालवप्रदेशस्य सांस्कृतिकराजधानी इन्दौर नगरे अद्य रविवासरे वर्णानां महान् भव्यः उत्सवः दृश्यते। पारम्परिक गेर इत्यनेन सह सम्पूर्णः पश्चिमक्षेत्रः वर्णैः गुलालेन च आच्छादितः भविष्यति। लक्षशः जनाः अस्मिन् अद्वितीये रंगोत्सवे सहभागं कृत्वा गुलालस्य वर्णानां च वर्षां आनन्देन अनुभविष्यन्ति।
गेर इत्यस्य सह एव नगरे फागयात्रा अपि निष्कास्यते, यस्याम् बहुसंख्यकाः महिलाः सहभागं करिष्यन्ति। आयोजकैः अस्य भव्यकार्यक्रमस्य सर्वाः व्यवस्थाः सम्पन्नाः कृताः सन्ति। कार्यक्रमसमये सहस्रशः किलोग्रामपरिमाणं गुलालं आकाशे उडायिष्यते, येन नगरस्य वातावरणं पूर्णतया वर्णमयं भविष्यति।
सप्ततिवर्षप्राचीन परम्परा
एषा पारम्परिका गेर राजवाड़ा इत्यस्मात् स्थानात् निष्कास्यते तथा अस्य इतिहासः प्रायः सप्ततिवर्षपर्यन्तः अस्ति। आरम्भे विशालकडाहेषु वर्णं पूरयित्वा जनान् वर्णेन सिक्तुं परम्परा आसीत्। कालान्तरॆण एषः उत्सवः बैलगाडिभिः ट्रैक्टरैः च आरभ्य आधुनिकसङ्गीतयन्त्रैः नूतनप्रौद्योगिक्या च सह विकसितः अभवत्। अधुना गेर उत्सवे वर्णवर्षायाः कृते विशेषमिसाइलप्रौद्योगिकी अपि उपयुज्यते, येन वर्णजलम् प्रायः द्विशतफुटपर्यन्तं आकाशे क्षिप्यते।
लक्षशः जनाः उत्सवस्य साक्षिणः
गतत्रिषु वर्षेषु गेर उत्सवे सहभागिनां संख्या पञ्चलक्षात् अधिका अभवत्। अतः अयं उत्सवः देशस्य महान् रंगोत्सवानां मध्ये गणितः भवति। अस्मिन् वर्षे अपि लक्षलिटरपरिमाणं जलं सहस्रशः किलोग्रामपरिमाणं गुलालं च उडयितुं व्यवस्था कृता अस्ति। राजवाड़ा तथा तस्य समीपे पञ्च षट् किलोमीटरपरिमिते क्षेत्रे वर्णजलस्य गुलालस्य च वर्षा दृश्यते।
टेसू पुष्पैः निर्मितेन गुलालेन तिरङ्गरचना
अस्य उत्सवस्य विशेषता अस्ति यत् प्रायः अष्टसहस्रकिलोग्रामपरिमाणैः टेसू पुष्पैः निर्मितः गुलालः उपयुज्यते। तेन राजवाड़ा स्थले तिरङ्गध्वजस्य आकृति निर्माणं क्रियते, यत् उत्सवस्य विशेषम् आकर्षणं भवति।
ढोलताशवाद्यैः प्रदर्शिनीभिः सांस्कृतिकप्रस्तुतयः
गेर उत्सवे बैंडवादनम्, ढोलताशवादनम्, आकर्षकाः झांक्यः तथा विविधाः सांस्कृतिकप्रस्तुतयः अपि दृश्यन्ते। गेर तथा फागयात्रा स्वस्वनियतमार्गेण निर्गत्य नगरवासिनः वर्णानाम् अस्मिन् महासमुद्रे निमज्जयिष्यतः।
---------------
हिन्दुस्थान समाचार