Enter your Email Address to subscribe to our newsletters
उज्जैनम्, 08 मार्चमासः (हि.स.)।
धार्मिकनगरी उज्जयिनी मध्ये अद्य रविवासरे रंगपञ्चमी पर्वस्य आरम्भः प्रातःकाले श्रीमहाकालेश्वर मन्दिरे भव्यपूजार्चनया तथा भस्मआरत्या सह अभवत्। प्रातः चत्वारिवादने मन्दिरस्य पटाः उद्घाटिताः, ततः परम्परानुसारं विशेषपूजनं कृतम्। ततः भगवतः महाकालेश्वरस्य समक्षं केसरयुक्तं जलम् अर्पयित्वा रंगपञ्चमी उत्सवस्य शुभारम्भः कृतः।
मन्दिरस्य पटोद्घाटनानन्तरं पुजारिभिः गर्भगृहे विराजमानानां सर्वेषां देवदेवताः पूजिताः। सर्वप्रथमं भगवते महाकालाय वर्णः अर्पितः। अस्मिन् अवसरि माता पार्वती, भगवान् गणेश, कार्तिकेय तथा नन्दी अपि हर्बलवर्णैः अर्चिताः। मन्दिरे प्रथमघण्टा निनाद्य मन्त्रउच्चारणस्य मध्ये “हरिओम्” इति मन्त्रेण जलम् अर्पितं कृत्वा भगवतः ध्यानं कृतम्।
अनन्तरं भगवतः महाकालस्य जलाभिषेकः कृतः तथा क्षीरदधिघृतमधुशर्कराफलरससंयुक्तेन पञ्चामृतेन अभिषेकपूजनम् सम्पन्नम्। भस्मार्पणपरम्परां पालनात् पूर्वं कपूरआरती कृताऽभूत्। ततः पश्चात् ज्योतिर्लिङ्गं वस्त्रेण आच्छाद्य भस्मारोपणं कृतम्।
भस्मआरत्याः अनन्तरं भगवतः महाकालस्य ललाटे त्रिपुण्ड्र अंकितः तथा शेषनागस्य रजतमुकुटेन, रजतमुण्डमालया, रुद्राक्षमालया, सुगन्धितपुष्पैः च राजरूपेण दिव्यश्रृंगारः कृतः। तस्य मस्तके बेलपत्रैः “ॐ” चन्द्रचिह्नं च अर्पयित्वा भगवतः अलौकिकरूपं सज्जीकृतम्।
प्रातःकाले सम्पन्नायां भस्मआरत्यां शतशः श्रद्धालवः उपस्थिताः सन्तः दर्शनं कृत्वा पुण्यलाभं प्राप्तवन्तः। श्रद्धालवः नन्दी महाराजस्य कर्णे स्वमनोकामनाः अपि उक्तवन्तः। मन्दिरपरिसरः “बाबा महाकाल की जय” इत्यादि जयघोषैः निनादितः तथा भक्तेषु विशेषः उत्साहः दृष्टः।
रंगपञ्चमी अवसरि उज्जयिन्यां प्रातः नववादनात् पारम्परिका गेर निष्कास्यते, यस्मिन् डॉ. मोहन यादवोऽपि सहभागी भविष्यति। सायंकाले महाकाल मन्दिरात् अपि गेर निष्कास्यते, यस्मिन् बहुसंख्यकाः श्रद्धालवः नगरवासिनः च रंगोत्सवे सहभागं करिष्यन्ति।
---------------
हिन्दुस्थान समाचार