Enter your Email Address to subscribe to our newsletters
चेन्नईनगरम्, ०९ मार्चमास: (हि.स.)। तमिलनाडु-प्रदेशे राज्यसभायाः षट्सु आसनेषु कृते निर्वाचन-प्रक्रियायां द्रविड़-मुनेत्र-कड़गम् (द्रमुक) तथा अखिल-भारतीय-अन्ना-द्रविड़-मुनेत्र-कड़गम् (अन्नाद्रमुक) इत्यादिभ्यः विभिन्न-राजनीतिक-दलेभ्यः सर्वे अभ्यर्थिनः निर्विरोधं निर्वाचिताः अभवन्। नामांकन-पत्र-प्रत्यानयनस्य अन्तिम-समय-सीमा सोमवासरे (९ मार्च) अपराह्णे तृतीय-वादने समाप्ता, ततः एषा स्थिति: स्पष्टा अभवत्।
चेन्नईसचिवालये पत्रकारैः सह संवादं कुर्वती राज्यसभा-निर्वाचनस्य प्रतिनिवर्तन-अधिकारिणी (रिटर्निंग ऑफिसर) शान्तिः अवदत् यत् तमिलनाडु-प्रदेशात् राज्यसभा-निर्वाचनार्थं प्रतिस्पर्धायां स्थिताः सर्वे षट् अभ्यर्थिनः निर्विरोधं विजयी घोषिताः। सा अवदत् यत् नामांकन-पत्र-प्रत्यानयनस्य समय-सीमासमाप्तेः पूर्वं कश्चन अपि अभ्यर्थी स्वनामांकनं प्रत्याहृतवान् न, न च अन्यः कश्चन प्रत्याशी नामांकन-पत्रं समर्पितवान्। अतः सर्वेषाम् अभ्यर्थिनां निर्विरोध-निर्वाचनं सुनिश्चितम् अभवत्।
निर्वाचितेषु अभ्यर्थिषु अन्नाद्रमुक-पक्षतः एम.थम्बीदुरैः, पट्टाली-मक्कल-काची (पीएमके)-पक्षतः डॉ.अम्बुमणि: रामदासः, भारतीय-राष्ट्रीय-कांग्रेस-पक्षतः क्रिस्टोफरतिलकः, द्रमुक-पक्षतः तिरुचि: शिवा तथा प्रो.कॉन्स्टैन्टाइन-रविन्द्रन्, तथा देसिया-मुरपोक्कु-द्रविड़-कड़गम् (डीएमडीके)-पक्षतः एल.के.सुधीशः सम्मिलिताः सन्ति।
घोषणाया अनन्तरं एम.थम्बीदुरैः, डॉ.अम्बुमणि: रामदासः तथा एल.के. सुधीशः राज्यसभा-सदस्यत्वस्य निर्वाचन-प्रमाणपत्रं प्रतिनिवर्तन-अधिकारिण्याः शान्तेः हस्तात् प्राप्तवन्तः। अन्ये तु सूत्राणां अनुसारं द्रमुक-गठबन्धनस्य पक्षतः निर्वाचिताः अभ्यर्थिनः मुख्यमन्त्रिणः एम.के.स्टालिनस्य तथा उपमुख्यमन्त्रिणः उदयनिधिस्टालिनस्य उपस्थितौ स्व-प्रमाणपत्रं स्वीकरिष्यन्ति।
अनेन निर्वाचनेन डीएमडीके-पक्षस्य एल.के.सुधीशः प्रथमवारं संसदः उच्चसदनं राज्यसभां प्रवेक्ष्यति। अपरं द्रमुक-पक्षस्य वरिष्ठ-नेता तिरुचि: शिवा तथा अन्नाद्रमुक-पक्षस्य एम.थम्बीदुरैः पूर्वम् अपि अनेकवारं राज्यसभायाः सदस्यौ अभवताम्, अतः तयोः संसदीय-अनुभवस्य लाभः अस्ति।
राजनीतिक-विश्लेषकाणां मतानुसारं तमिलनाडु-विधानसभायां विद्यमानस्य दलानां संख्या-बलस्य कारणात् राज्यसभा-निर्वाचने प्रत्यक्ष-स्पर्धायाः काचित् सम्भावना न आसीत्। अतः सर्वे प्रमुख-दलानां अभ्यर्थिनः निर्विरोधमेव निर्वाचिताः।
हिन्दुस्थान समाचार / Dheeraj Maithani