Enter your Email Address to subscribe to our newsletters
नवदिल्ली, ०९ मार्चमास: (हि.स.)। टी–२० विश्वकपस्य विजये सोमवासरे राज्यसभायां भारतीयदलाय अभिनन्दनं प्रदत्तम्।
सभापतिः सी.पी.राधाकृष्णन् राज्यसभा-सदस्यानां पक्षतः विजेतारं भारतीयदलम् अभिनन्द्य तस्य उत्कृष्टं प्रदर्शनं प्रशंसितवान्। सः अवदत् यत् एषा देशस्य महत: गौरवस्य विषयः अस्ति यत् भारतीयदलेन आईसीसी पुरुष-टी–२० विश्वकपस्य सम्मानं प्राप्तम्। दलेन अहमदाबाद-नगरस्य नरेन्द्रमोदीप्रांगणे इत्यत्र क्रीडितायां अन्तिम-स्पर्धायां उत्कृष्टं प्रदर्शनं कृतम्। एषा तृतीया वार्ता अस्ति यदा भारतदेश: अस्या: स्पर्धायाः पुरस्कारं स्वनाम्नि कृतवान्। विशेषतया उल्लेखनीयम् अस्ति यत् अनवरतं द्वितीयवारम् अपि एषा सिद्धिः प्राप्ता, यतः भारतदेश: अस्याः स्पर्धायाः पूर्वसंस्करणे अपि पुरस्कारम् अलभत।
राधाकृष्णन् अवदत् यत् एष: विजयः अतिशय-विशेष: अपि अस्ति, यतः भारतदेश: प्रथमः देशः अस्ति यः टी–२० विश्वकपस्य विजेता अभवत्। सम्पूर्णे प्रतियोगिताकाले दलस्य उत्कृष्टेन प्रदर्शनेन देशस्य कोटिशः क्रिकेट-प्रेमिणां हृदयेषु महानन्दः गौरवं च उत्पन्नम्। सदनस्य पक्षतः भारतीयदलस्य क्रीडकाः, सहयोगी-कार्यकर्तारः तथा भारतीय-क्रिकेटेन सम्बद्धाः सर्वे जनाः अस्याः महान् उपलब्धेः कृते हार्दिक-अभिनन्दनम् अर्हन्ति। एतत् सदनं तेषां भविष्ये अपि निरन्तर-सफलतायाः कामनां करोति।
हिन्दुस्थान समाचार / Dheeraj Maithani