खरगोननगरम्, ०१ अप्रैलमासः (हि.स.) - मध्यप्रदेशस्य खरगोन-जनपदस्य कसरावद-विकासखण्डान्तर्गतं बोथू-ग्रामे स्थितस्य “द बोट विलेज” इत्यस्य शिवाकाशी-होम-स्टे-इत्यस्य बुधवासरे इन्दौर-संभागायुक्तेन डॉ.सुदाम-खाडे इत्यनेन निरीक्षणं कृतम्। निरीक्षणकाले सः व्यवस्थाः अवलोक्य स्थानीय-नवाचाराणां प्रशंसां कृतवान्।

संभागायुक्तेन होम-स्टे-संचालकेन जयपालसिंहेन सह चर्चा कृता। तेन सुविधाः, स्वच्छता, पर्यटकानां कृते उपलब्धसंसाधनानि तथा स्थानीय-संस्कृतेः समावेशः इत्यादीनां विषये सूचना गृहीता। तेन उक्तं यत् एतस्य प्रकारस्य होम-स्टे ग्राम्य-पर्यटनं वर्धयन्ति तथा स्थानीय-जनानां कृते नूतन-आय-अवसरान् अपि सृजन्ति।

डॉ.खाडे निर्देशं दत्तवान् यत् होम-स्टे अधिकम् आकर्षकं कृत्वा प्राकृतिक-कृष्या सह संयोज्यताम्, येन पर्यटकाः ग्रामजीवनस्य, जैविक-कृषेः तथा स्थानीय-संस्कृतेः प्रत्यक्षानुभवं प्राप्नुयुः। स्थानीय-कृषि-उत्पादाः, पारम्परिक-भोजनम्, ग्राम्य-जीवनशैली अनुभवस्य भागत्वेन समावेशनीयाः इति अपि सः अवदत्।

तेन उक्तं यत् बोथू-ग्रामस्य एतत् होम-स्टे-क्षेत्रे पर्यटनस्य नूतनदिशां प्रदास्यति तथा अन्येषां ग्राम्य-प्रदेशानां कृते प्रेरणादायकः आदर्शः भविष्यति। अस्मिन् अवसरे संबंधित-अधिकारिणः स्थानीय-जनप्रतिनिधयः च उपस्थिताः आसन्।

हिन्दुस्थान समाचार / अंशु गुप्ता