Enter your Email Address to subscribe to our newsletters
भोपालनगरम्, ०१ अप्रैलमासः (हि.स.) – मध्यप्रदेशस्य राज्यपालः मंगुभाई-पटेलः उक्तवान् यत् वर्तमानकालः जनजातीय-समाजस्य विकासस्य अभूतपूर्वः कालः अस्ति तथा शासनस्य प्राथमिकता तेषां समग्र-विकासः, स्वास्थ्य-सुरक्षा, आर्थिक-सशक्तीकरणं च अस्ति। सः मण्डला-जनपदस्य कन्हारीकला-ग्रामे दुधारु-पशु-वितरण-स्वास्थ्य-शिविरे जनसमूहं सम्बोधयन् अवदत् यत् केन्द्र-शासनस्य विविध-अभियानानि जनजातीय-समाजस्य सशक्तीकरणे महत्त्वपूर्णां भूमिकां निर्वहन्ति।
राज्यपालेन उक्तं यत् दुग्धस्य प्रथमं बालकानां पोषणार्थम् उपयोगः करणीयः, अनन्तरं अतिरिक्तं दुग्धं विक्रय्य आय-वृद्धिः कर्तव्या। पशूनां पालनं बालकवत् करणीयम्, समये चारा-जल-औषधि-व्यवस्थाः आवश्यकाः इति सः अवदत्। प्रदेशे व्यापक-स्तरे सिकल-सेल-परीक्षण-अभियानं चालितम् अस्ति, अद्यावधि एक-कोटि-अष्टाविंशति-लक्षाधिक-जनानां परीक्षणं कृतम्। रोग-निवारणार्थं ‘जेनेटिक-कार्ड’ उपयुक्तम् इति उक्त्वा विवाहे तस्य मिलनस्य परामर्शः दत्तः।
राज्यपालेन पशुपालनस्य महत्त्वं प्रकाश्य बालक-पोषणार्थं दुग्धस्य उपयोगम्, अतिरिक्त-दुग्धस्य विक्रयद्वारा आय-वृद्धिं च कर्तुं परामर्शः दत्तः। सिकल-सेल-परीक्षण-अभियानस्य विषये अपि सूचितम्। अस्मिन् अवसरे तेन आङ्गनवाडी-केन्द्रं निरीक्षितम्, वृक्षारोपणं कृतम्, तथा ९४ बैगा-जनजाति-हितग्राहिभ्यः दुधारु-पशवः अन्य-हितलाभाः च वितरिताः।
हिन्दुस्थान समाचार / अंशु गुप्ता