Enter your Email Address to subscribe to our newsletters
गोगामुखम् (असमः), 01 अप्रैलमासः (हि.स.)।
भारतीय-जनता-दलस्य वरिष्ठ-नेता तथा प्रधानमन्त्री नरेन्द्र मोदी बुधवासरे अत्र आयोजितायां निर्वाचन-जनसभायाम् असम-राज्ये राष्ट्रिय-जनतान्त्रिक-गठबन्धन-सर्वकारस्य (राजग-सरकारस्य) तृतीय-वारं विजय-प्राप्तेःतथ्योपस्थापनं कृतवान्। तेन असमे समान-नागरिक-संहिता-प्रवर्तनम् , आदिवासी-संस्कृतेः संरक्षणम्, बाढ़-समस्यायाः निवारणम्, आधारभूत-संरचनायाः विस्तारः तथा दरिद्र-कल्याण-योजनानां विषयेषु बहूनि महत्त्वपूर्णानि प्रतिज्ञानानि कृतानि।
प्रधानमन्त्री कांग्रेस-दलम् प्रति तीव्रं प्रहारं कृत्वा उक्तवान् यत् असम-निर्वाचनम् “विकसित-असमात् विकसित-भारत-निर्माणस्य” निर्वाचनम् अस्ति।
मोदी धेमाजि-जिलायाः गोगामुख-प्रदेशे आयोजितायां जनसभायां उक्तवान् यत् जनतायाः उत्साहः स्पष्टं सूचयति यत् एतस्मिन् वारे राज्ये भाजपा-नेतृक-राजग-सर्वकारः पुनः तृतीयवारं सत्तां प्राप्स्यति। सः अवदत् यत् एषा तस्य असमे निर्वाचन-घोषणानन्तरं प्रथम-सभा अस्ति तथा अत्र आगता विशाल-जनसमूहः ‘हैट्रिक’-विजयस्य सुनिश्चिततां दर्शयति।
प्रधानमन्त्री अवदत् यत् असमे समान-नागरिक-संहिता प्रवर्तिष्यते, किन्तु षष्ठ-अनुसूची-प्रदेशेषु निवसतां आदिवासी-समुदायानां परम्पराः संस्कृतिः च पूर्णतया संरक्ष्यन्ते। एतत् “असमस्य अस्मितां रक्षितुं महत् संकल्पः” इति सः अभवत् तथा भाजपा स्वप्रतिज्ञानां पूर्तौ प्रसिद्धा अस्ति इति उक्तवान्।
तेन उक्तं यत् गत-दशवर्षेषु राज्ये ‘सेवा-सुशासनयोः’ नूतनः कालः दृष्टः। पूर्वं सर्वानन्द-सोनोवाल-नेतृत्वे, ततः पश्चात् हिमन्त-बिस्व-शर्मा-नेतृत्वे राज्यस्य विकासः नवीन-दिशां प्राप्तवान्। अस्य निर्वाचनस्य सम्बन्धः केवलं राज्येन न, अपि तु विकसित-भारत-निर्माणेन अपि अस्ति इति सः अवदत्।
प्रधानमन्त्री दरिद्र-कल्याण-योजनानां उल्लेखं कृत्वा उक्तवान् यत् गत-दशके असमस्य २२-लक्षाधिक-दारिद्र्य-पीडित-परिवाराणां पक्क-गृहाणि दत्तानि। घोषणापत्रे तेषां सर्वेषां परिवाराणां गृहनिर्माणं प्रतिज्ञातम्, येषां प्रधानमन्त्रि-आवास-योजनायाः लाभः अद्यावधि न प्राप्तः। भविष्ये १५-लक्ष-परिवाराणां कृते अपि गृहनिर्माणस्य अनुबंधो दत्तोऽस्ति।
महिला-सशक्तीकरणस्य विषये सः ‘लखपति-दीदी’-अभियानस्य उल्लेखं कृतवान्। अस्याः योजनायाः अन्तर्गतं अद्यावधि प्रायः त्रि-लक्ष-नार्यः ‘लखपति-दीदी’ अभवन्, भविष्ये च एतत् सङ्ख्या ४०-लक्षपर्यन्तं नेतुं लक्ष्यं निर्धारितम्। सह एव ‘अरुणोदय-योजनायाः’ विस्तारः अपि प्रतिज्ञातः।
जलप्रलय-समस्यां प्रति सः अवदत् यत् भाजपा-सरकारेण १८,०००-कोटि-रूप्यकाधिक-व्ययेन ‘बाढ़-मुक्त-असम-मिशन’ आरब्धम्। आधुनिक-तटबन्धाः निर्मीयन्ते तथा स्थायी-समाधानाय निरन्तरं कार्यं क्रियते। सुबनसिरी-जलविद्युत्-परियोजना अपि असमं बाढ़ात् रक्षितुं महत्त्वपूर्णां भूमिकां निर्वहति इति उक्तम्।
कृषि-क्षेत्रे प्रधानमन्त्रिणा उक्तं यत् प्रधानमन्त्रि-फसल-बीमा-योजनायाः अन्तर्गतं असमस्य प्रायः ११-लक्ष-कृषकाणां कृते ७३०-कोटि-रूप्यकाधिक-परिहारा राशिः प्रदत्तोऽस्ति।
प्रधानमन्त्री असमं भविष्यस्य प्रौद्योगिकी-केंद्रं निर्दिश्य उक्तवान् यत् शीघ्रमेव राज्ये अर्धचालक-उद्योगः (सेमीकण्डक्टर-प्लाण्ट्) आरभ्यते, यतः चिप-उत्पादनं भविष्यति। भविष्ये दूरभाषयन्त्राणि, वाहनानि, दूरदर्शन-यन्त्राणि च अस्मात् उत्पादित-चिप् द्वारा सञ्चालितानि भविष्यन्ति, येन राज्यस्य परिचयः केवलं चायेन न, अपि तु प्रौद्योगिक्या अपि भविष्यति।
आधारभूत-संरचनायाः क्षेत्रे सः उक्तवान् यत् कांग्रेस-दलेन ६०-६५-वर्षेषु ब्रह्मपुत्र-नद्याः उपरि केवलं त्रयः सेतवः निर्मिताः, परन्तु भाजपा-सरकारेण गत-१०-११-वर्षेषु पञ्च-महत्त्वपूर्ण-सेतवः निर्मिताः। स्वास्थ्य-क्षेत्रे अपि पूर्वं केवलं षट् वैद्यकीय-महाविद्यालयाः आसन्, अद्य तेषां सङ्ख्या १४ अभवत्, तथा १० नूतन-महाविद्यालयानां निर्माणं प्रचलति।
प्रधानमन्त्री कांग्रेस-दलम् आरोपयत् यत् तत् सदैव ‘परिवारवादं’ तथा मत-तुष्टीकरण-राजनीतिं प्राधान्येन पालयति। पूर्वं तेन सांप्रदायिक-हिंसा-विधेयकं प्रस्तोतुं प्रयासः कृतः, यः समाजं विभाजयितुम् उद्दिष्टः आसीत्, अधुना असमे अपि तादृशाः प्रयासाः क्रियन्ते इति सः अवदत्।
तेन आरोपितं यत् कांग्रेस-दलः राज्ये अवैध-प्रवेशकान् स्थापयितुं प्रयतते। भाजपा-नेतृक-राजग-सरकारः कृषकाणां, आदिवासिनां, वनभूमेः च अतिक्रमणात् विमोचनं करिष्यति तथा असमस्य ‘शान्-परिचयं’ रक्षिष्यति इति सः उक्तवान्।
सभायाः अन्ते प्रधानमन्त्रिणा जनतां प्रति पुनः भाजपा-सरकार-निर्माणस्य अपीलं कृतम्, येन राज्यस्य विकास-गति अधिका भविष्यति। सः उक्तवान्— “एषो मोदिनोऽनुबंधोऽस्ति यत् असम अधिकेन वेगेन प्रगमिष्यति।
------------
हिन्दुस्थान समाचार