Enter your Email Address to subscribe to our newsletters
डिब्रूगढनगरम् (असमप्रदेशः), ०१ अप्रैलमासः (हि.स.) – प्रधानमन्त्री नरेन्द्रमोदी बुधवासरे प्रातःकाले डिब्रूगढ़स्य मनोहरि-चाय-उद्यानम् अवलोकितवान्, यत्र तेन चाय-पत्राणि सङ्गृह्य असम-प्रदेशस्य चाय-उद्योगस्य महत्त्वं प्रकाशितम्।स्वप्रवासे प्रधानमन्त्री मोदी चाय-उद्यानस्य महिला-श्रमिकाभिः अन्यैः च कर्मकरैः सह संवादं अपि कृतवान्। अस्मिन् संवादे सः कर्मकराणां योगदानस्य प्रशंसां कृत्वा तान् उत्साहितवान्। एषः संवादः क्षेत्रे चाय-उद्यान-श्रमिकाणां कल्याणं, सशक्तीकरणं च प्रति शासनस्य दृढसंकल्पं दर्शयति।
प्रधानमन्त्री मोदी तेषां कर्मकराणां बालकानां शिक्षां, तेषां वेतनम्, तथा आयुष्मान्-पत्रकस्य उपलभ्यता इत्यादिषु विषयेषु अपि विवरणं गृहीतम्।
उल्लेखनीयम् यत् निर्वाचन-प्रचाराय भागं गृहीतस्य उद्देश्येन प्रधानमन्त्री नरेन्द्रमोदी मङ्गलवासरे रात्रौ डिब्रूगढ़म् आगत्य ८:४० वादने मोहनबाड़ी-वायुपत्तनम् आगतवान्। ततः विशाल-सम्मर्देन सह मोहनबाड़ी-विमानपत्तनात् मनोहरि-रिज़ॉर्ट प्रति प्रस्थानम् कृतवान्। रात्रिः प्रधानमन्त्री मनोहरि-रिजॉर्ट-इत्यत्र यापितवान्।
प्रधानमन्त्री मोदी धेमाजी तथा लखीमपुर-जनपदस्य अभ्यर्थिनां पक्षे निर्वाचन-प्रचारं करिष्यति।
हिन्दुस्थान समाचार / अंशु गुप्ता