Enter your Email Address to subscribe to our newsletters
रायपुरम्, 01 अप्रैलमासः (हि.स.)। छत्तीसगढ़विधानसभायाः अध्यक्षः पूर्वमुख्यमन्त्री च डॉ रमनसिंहः केन्द्रीयगृहमन्त्रिणे अमितशाहाय पत्रं लिखित्वा नक्सलवादमुक्तभारतस्य विषये तस्य आभारं व्यक्तवान्। डॉ सिंहः स्वपत्रे लिखितवान् यत् ३१ मार्च २०२६ इत्येषः ऐतिहासिकदिनः राष्ट्राय नूतनामाशां नूतनप्रभातं च आनयति।
सः लिखितवान् यत् प्रधानमन्त्री नरेन्द्रमोदीस्य नेतृत्वेन भवतः दृढसंकल्पेन च दीर्घकालात् नक्सलवादेन पीडिता भारतभूमिः अधुना अलोकतान्त्रिकविचारधाराभ्यः पूर्णतया मुक्ताभवति। संविधानविरोधिनः शक्तयः दीर्घकालं यावत् भारतभूमेः आन्तरं प्रहारं कृतवन्तः। माओ लेनिनयोः इव लोकतन्त्रविरोधिविचारधाराः नक्सलबाड़ी आरभ्य बस्तरपर्यन्तं सहस्रशः निर्दोषजनान् पीडितवन्तः विकासं निरुद्धवन्तः आदिवासिनः मुख्यधारातः पृथक् कृतवन्तः च। अस्य परिणामः छत्तीसगढ़भूमौ दृष्टः। या भूमिः धानकोषः भवितुं समर्था आसीत् सा दारिद्र्यस्य पलायनस्य च अवस्थां गतवती।
डॉ रमनसिंहः पूर्वसंयुक्तप्रगतिशीलगठबन्धनसरकारं प्रति आरोपान् कृत्वा लिखितवान् यत् यदा अहं मुख्यमन्त्रीरूपेण राष्ट्रियसभासु गच्छामि स्म तदा यूपीएसरकारस्य मन्त्रिणः नक्सलवादं केवलं राज्यस्य समस्या इति मन्यन्तः स्वयम् उपेक्षां कुर्वन्ति स्म। अनन्तरं मनमोहनसिंहः अपि एतत् स्वीकरोत् यत् नक्सलवादः केवलं राज्यस्य न तु राष्ट्रस्य समस्या अस्ति तथा च देशस्य आन्तरिकसुरक्षायाः महत् संकटम् अस्ति। ते समस्यां जानन्तः अपि समाधानं न कुर्वन्ति स्म। छत्तीसगढ़ात् यदा सल्वाजुडूम इति स्वस्फूर्तान्दोलनम् आरब्धम् तदा महेन्द्रकर्मा इत्यादयः नेतारः अपि नक्सलवादस्य विरोधं कृतवन्तः किन्तु तदा केन्द्रीयसरकारेण तेषां समर्थनं न कृतम्।
सः अग्रे लिखितवान् यत् यदि तस्मिन् काले देशाय नरेन्द्रमोदीस्य नेतृत्वं अमितशाहस्य सहयोगः च प्राप्तः अभविष्यत् तर्हि नक्सलवादमुक्तभारतस्य लक्ष्यं तदा एव सिद्धम् अभविष्यत्। किन्तु विलम्बेन अपि यदा २०१४ तमे वर्षे नरेन्द्रमोदी प्रधानमन्त्री अभवत् तदा एव नक्सलवादस्य समूलनाशस्य योजना आरब्धा। २०१९ तमे वर्षे भवतः गृहमन्त्रिपदे आगमनेन अस्माकं विश्वासः दृढः अभवत् यत् सम्पूर्णदेशः नक्सलवादात् मुक्तः भविष्यति।
डॉ सिंहः लिखितवान् यत् २४ अगस्त २०२४ तमे दिने यदा नक्सलवादस्य समूलनाशः घोषितः तदा आश्चर्यम् अभवत् यत् कथं अल्पकाले एतादृशी दीर्घकालसमस्या निवारिता। किन्तु ५ अगस्त २०१९ तमे दिने जम्मूकश्मीरप्रदेशे धारा ३७० समस्यायाः समाधानं दृष्ट्वा मम विश्वासः अधिकः दृढः अभवत् यत् एषः कार्यः केवलं भवता एव साध्यः।
अद्य भवतः दृढसंकल्पेन देशात् नक्सलवादस्य समापनलक्ष्यं सिद्धं भवति। एतत् कार्यं भवतः दृढइच्छाशक्त्या प्रबलरणनीत्या पूर्णसहयोगेन विना न कदापि संभवम् आसीत्। अद्य अहं उत्तरदायित्वेन वदामि यत् स्वातन्त्र्यानन्तरं ५६२ रियासतां एकीकरणं कृतवान् लौहपुरुषः सरदारवल्लभभाईपटेलः अनन्तरं यदि कोऽपि शक्तिशाली गृहमन्त्री प्राप्तः तर्हि सः भवानेव।
अन्ते सः लिखितवान् यत् अधुना यदा बस्तरप्रदेशे नक्सलवादः समाप्तः तदा विकासस्य नूतनयुगः आरभ्यते। आदिवासीजनानां कृते उत्तमानि रोजगारावकाशानि भविष्यन्ति युवा वर्गः शिक्षया कौशलविकासेन च उन्नतिं प्राप्स्यति। बस्तरप्रदेशस्य जनाः आत्मनिर्भराः सन्तः सम्मानपूर्वकं जीवनं यापयिष्यन्ति तथा च प्रदेशः शीघ्रं प्रगतेः मार्गे अग्रे गमिष्यति।
अहं प्रधानमन्त्री नरेन्द्रमोदिनो नेतृत्वं राष्ट्रसेवां च प्रणम्य भवतः योगदानं दृढसंकल्पं च अभिनन्दामि तथा च छत्तीसगढ़स्य त्रिकोटिजनानां पक्षतः भवतः प्रति हार्दिकं धन्यवादं निवेदयामि यत् भवता न केवलं अस्माकं प्रदेशः नक्सलवादात् मुक्तः कृतः अपि तु विकासस्य नूतनदिङ् प्रदर्शिता।
---------------
हिन्दुस्थान समाचार