नवादाजनपदः, ०१ अप्रैलमासः (हि.स.)। अखिल-भारतीय-सन्तमत-सत्सङ्गस्य नवादा-जनपदाधिवेशनं “ज्ञान-महायज्ञ:” इति रूपेण बुधवासरे नवादा-नगरस्य सङ्कटमोचन-मन्दिर-परिसरे आरब्धम्। अस्मिन् अवसरे सन्तमतस्य अन्ताराष्ट्रिय-प्रवक्ता स्वामी-सत्यप्रकाश-जी-महाराजः, स्वामी-डॉ.-विवेकानन्द-जी-महाराजः, स्वामी-प्रमोद-जी-महाराजः, स्वामी-शान्तानन्द-जी-महाराजः इत्यादयः अनेके साधवः सन्ताश्च सत्सङ्गस्य महिमा-विषये प्रवचनानि अकुर्वन्।

स्वामी-सत्यप्रकाश-जी-महाराजः उक्तवान् यत् सत्सङ्गेनैव जीवस्य उद्धारः सम्भवः अस्ति, अन्यथा जीवः चतुरशीतिलक्ष-योनिषु भ्रमन् नित्यं दुःखम् अनुभवति। सः अवदत् यत् जन्म-मरण-बन्धनैः बद्धः जीवः सदा क्लेशं प्राप्नोति, तस्य च निवारणं सत्सङ्गेन तथा गुरोः उपदिष्ट-मार्गेण एव सम्भवति। तेन उक्तं यत् गुरुकृपां विना जीवनस्य उद्धारः न सम्भवति, गुरोः मार्गेण एव आवागमन-चक्रात् मुक्ति: लभ्यते, शान्तिः च प्राप्यते।

सः अवदत् यत् दुःखात् मुक्तेः एकमेव साधनं गुरु-भक्तिः अस्ति। सत्सङ्गेन गुरु-भक्तौ रुचिः उत्पद्यते, तदैव परम-कल्याणं सम्भवति। तेन सांसारिक-वैज्ञानिक-दृष्टान्तैः सह उपस्थितान् सहस्रशः सत्सङ्गिनः उपदिष्टवन्तः यत् सन्त-सत्गुरवः एव ईश्वर-प्राप्तेः मार्गं दर्शयन्ति, यः ईश्वरं प्राप्नोति, सः स्वयमेव ईश्वरतुल्यः भवति।

अस्मिन् अवसरे कृष्ण-कुमार-वर्मा, रविन्द्र-कुमारः, उमा-पण्डितः, कुलदीप-पण्डितः, डॉ.साकेत-बिहारी, डॉ.विनोद-कुमारः, महेन्द्र-प्रसादः, गुड्डू-कुमारः इत्यादयः सत्सङ्गिनां स्वागतं कृत्वा व्यवस्थापनस्य कार्ये महत्त्वपूर्णां भूमिकां निर्वहन्तः आसन्।

हिन्दुस्थान समाचार / अंशु गुप्ता