Enter your Email Address to subscribe to our newsletters
-वृष्ट्या प्रभावित जनपदानां जिलाधिकारी कृषकाणां मध्ये अवाप्य खिन्नता ज्ञाता, प्रमुखसचिवेन (कृषेः रक्षणस्य) आयुक्तेन नियुक्तः समन्वयः : मुख्यमंत्री-मुख्यमंत्री अधिकारिभ्योऽददात् निर्देशम् : कृषकैः सह संवादः स्थापितः,सस्यानि अनुमीय आकल्य च तेभ्यःक्षतिपूर्तिः
लखनऊ, 01 अप्रैलमासः (हि.स.)। मुख्यमन्त्री योगी-आदित्यनाथो बुधवासरे प्रदेशस्य अनेक-जनपदेषु जातया वर्षया पीडितानां कृषकाणां स्थितिं ज्ञातवान्। तेन अकाल-वर्षया कृषकाणां ये कष्टाः जाताः, तेषां विषये जिलाधिकारिभ्यः प्रतिवेदनं याचितम्। अधिकारिणः सतर्कतया कार्यं कुर्वन्तु इति निर्देशं दत्त्वा मुख्यमन्त्री अवदत् यत् मौसम-प्रभावेन पीडितानां कृषकाणां किञ्चिदपि कष्टं न भवेत्, कृषक-हितं सरकारस्य प्रमुख-प्राथमिकता अस्ति।
कृषकाणां नष्टसस्यस्य हानिं सम्यक् आकल्य सम्पूर्णा सूचना संगृह्य शीघ्रं तेषां साहाय्यं क्रियताम् इति तेन उक्तम्। मुख्यमन्त्री निर्देशं दत्तवान् यत् राजस्व-विभागः, कृषि-विभागः तथा बीमा-संस्था मिलित्वा त्वरितं संयुक्त-सर्वेक्षणं कृत्वा शासनं प्रति निवेदयन्तु, येन कृषकाणां कृते त्वरितं क्षतिपूर्ति-प्रदानं सम्भवेत्।
मुख्यमन्त्री अवदत् यत् सरकारः सर्वासु आपदासु विपदासु च प्रदेशवासिनां सह सदा तिष्ठति। अतीतानि दिनानि अपि वर्षया कृषकाणां फसलः प्रभावितः, तस्य क्षतिपूर्तिः अपि प्रदीयते। अद्यतन-वर्षया जातस्य अपि हान्याः शीघ्रं मूल्यांकनं क्रियताम् इति तेन निर्देशितम्।
तेन अधिकारिणः प्रति उक्तं यत् कृषक-हिताय संवेदनशीलतया कार्यं कुर्वन्तु तथा एतत् सुनिश्चितं कुर्वन्तु यत् कृषकाणां किञ्चिदपि क्लेशः न भवेत्।
मुख्यमन्त्री सर्वान् जिलाधिकारिणः निर्देशितवान् यत् ते क्षेत्रेषु उपस्थिताः भूत्वा वस्तुस्थितिं निरीक्ष्य प्रभावित-प्रदेशेषु फसल-हानिं यथार्थतया मूल्याङ्कयन्तु, येन कृषकाणां कृते समये उचित-सहाय्यं दातुं शक्यते।
मुख्यमन्त्री प्रमुख-सचिवं (कृषि) राहत-आयुक्तं च प्रति उक्तवान् यत् क्षेत्रेषु कार्यरत-अधिकारिभ्यः सह प्रत्यक्षं सम्पर्कं स्थापयन्तु तथा समन्वयं कुर्वन्तु। सर्वाः सूचनाः समये संगृह्य शासनं प्रति प्रेष्यन्ताम्, येन राहत-कार्याणि अपि समये सम्पन्नानि स्युः।
अन्ते मुख्यमन्त्री अवदत् यत् फसल-हान्याः आकलनं प्राप्ते सति क्षतिपूर्ति-वितरण-प्रक्रिया त्वरितं आरभ्यताम्। भुगतान-व्यवस्था समयबद्धा भवतु, येन मौसम-प्रभावेन पीडिताः कृषकाः शीघ्रं रक्षण़ प्राप्नुयुः।
हिन्दुस्थान समाचार