Enter your Email Address to subscribe to our newsletters
कोलकाता, 01 अप्रैलमासः (हि.स.)। निर्वाचनआयोगेन पश्चिमबङ्गालराज्यस्य नादियाजिले मतदानप्रशिक्षणकार्यक्रमे जातस्य हिंसाकाण्डस्य विषये कठोरकार्यवाही कृत्वा एकः प्रखण्डविकासाधिकारी निलम्बितः कर्तुं आदेशः दत्तः। सहैव तस्य विरुद्धं विभागीयकार्यवाही आरभ्यताम् इति अपि निर्देशः प्रदत्तः।
एषा घटना सप्तविंशतितमे मार्चमासे हंसखालीप्रखण्डस्य एकस्मिन् विद्यालये आयोजिते पीठासीनमतदानाधिकारिणां प्रशिक्षणकार्यक्रमे अभवत्, यस्मिन् एकस्य शिक्षकस्य शिरसि आघातः अभवत्। अस्य विषये रानाघाटथाने प्राथमिकी अपि निबद्धा अस्ति।
निर्वाचनआयोगेन राज्यप्रशासनाय प्रेषिते पत्रे उक्तं यत् हंसखालीप्रखण्डस्य बीडीओ सायंतनभट्टाचार्यः, यः पश्चिमबङ्गालसिविलसेवा कार्यकारी इत्यस्य अधिकारी अस्ति तथा प्रशिक्षणकार्यक्रमस्य समग्रप्रभारी आसीत्, सः स्वनिर्वाचनकर्तव्यपालने मानकप्रोटोकॉलस्य पालनं कर्तुं असफलः अभवत्।
आदेशे उक्तं यत् प्रभारीअधिकाऱिणः असावधानतया जातया अस्यां घटनायां निर्वाचनस्य स्वतंत्रनिष्पक्षपारदर्शकप्रक्रियायाः आयोगस्य प्रयासेषु प्रतिकूलः प्रभावः अभवत्।
आयोगेन निर्देशः दत्तः यत् सायंतनभट्टाचार्यः तत्क्षणप्रभावेन निलम्बितः क्रियताम् तथा तस्य विरुद्धं विभागीयकार्यवाही आरभ्यताम्।
निर्वाचनआयोगेन राज्यप्रशासनं प्रति अपि निर्देशः दत्तः यत् एतेषां आदेशानां तत्क्षणं पालनं कृत्वा अनुपालनवृत्तान्तः समर्प्यताम्।
आहतस्य शिक्षकस्य परिचयः सैकतचट्टोपाध्यायः इति अभवत्। आरोपः अस्ति यत् सः प्रशिक्षणारम्भात् पूर्वं एकस्य सरकारीविज्ञापनस्य प्रदर्शनं प्रति आपत्तिं व्यक्तवान्।
प्रतिभागिनां अनुसारं प्रशिक्षणारम्भात् पूर्वं प्रोजेक्टरयन्त्रे मुख्यमन्त्री ममता बनर्जी इत्यस्याः चित्रयुक्तं सरकारीविज्ञापनं प्रदर्शितम् आसीत्। केचन मतदानाधिकारिणः एतत् आदर्शाचारसंहितायाः उल्लङ्घनम् इति मन्यमानाः आपत्तिं व्यक्तवन्तः।
सैकतचट्टोपाध्यायः आरोपितवान् यत् यदा सः आचारसंहिता प्रवृत्ता सति अपि मुख्यमन्त्र्याः चित्रयुक्तविज्ञापनप्रदर्शनं विषये प्रश्नं कृतवान् तदा तेन सह मारपीटनं कृतं तथा समाह्वयाः अपि दत्ताः।-----------------
हिन्दुस्थान समाचार