रायपुर-नगरम्, ११ अप्रैलमासः (हि.स.)। सरोजपाण्डेय: भारतीय-जनता-पक्षस्य राष्ट्रीय-उपाध्यक्षा उक्तवती यत् नारी-शक्ति-वन्दन-अधिनियमः २०२३ भारतीय-लोकतन्त्रे क्रान्तिकारी-पदम् अस्ति। तया नरेन्द्रमोदी-महाभागस्य स्तुतिः कृता, यतः तेन महिलाभ्यः ३३-प्रतिशत-आरक्षणस्य मार्गः प्रशस्तः कृतः।

तया उक्तं यत् पूर्वं बहुभिः दलैः महिलाः केवलं मतदातृ-समूह-रूपेण दृष्टाः, परन्तु अधिकारः न दत्तः। अधुना लोकसभायां विधानसभासु च महिलानां अधिक-सहभागिता भारतस्य राजनीतिं परिवर्तयिष्यति इति सा अवदत्।

तत्समये लक्ष्मी राजवाडे अपि उक्तवती यत् एषः अधिनियमः महिलानां जीवनं परिवर्तयिष्यति। अस्य प्रचारार्थं विभिन्नेषु स्थानेषु कार्यक्रमाः, सम्मेलनानि, पदयात्राः च आयोजिताः भविष्यन्ति।

हिन्दुस्थान समाचार / अंशु गुप्ता