Enter your Email Address to subscribe to our newsletters
जयपुरम्, ११ अप्रैलमासः (हि.स.)। नगर-निगम-आयुक्तः ओम-कसेरा परकोटे-क्षेत्रे रात्रिकालीन-स्वच्छता-व्यवस्थायाः अवलोकनार्थं शुक्रवासरे निशीथे व्यापकं निरीक्षणं कृतवान्। आयुक्तः रात्रौ ११:३० वादने न्यू-गेट् इत्यतः आरभ्य जोरावर-सिंह-गेट्, जोहरी-बाजार, नेहरू-बाजार, हवा-महल, जल-महल, सुभाष-चौक, बापू-बाजार तथा रामगढ़-मोड़ इत्यादीनि स्थानानि अतिक्रम्य प्रायः १० किलोमीटर-पर्यन्तं पदयात्रया गत्वा स्वच्छता-व्यवस्थायाः वास्तविक-स्थितिं निरीक्षितवान्।
निरीक्षण-समये आयुक्तः स्थले-स्थले विस्तीर्णां अशुचिं तथा अवकरकण्डोल-स्थानानां स्थितिं दृष्ट्वा असन्तोषं व्यक्तवान्। तेन सम्बन्धित-अधिकारिभ्यः मार्ग-तीरे स्थापितेभ्यः अवकरकण्डोलेभ्यः नियमितरूपेण अवकर-निर्गमनस्य निर्देशाः दत्ताः। हवा-महल-समीपे विभाजक-रेखासु कूटकं दृश्ये सति तेन तत्क्षणमेव स्वच्छतायाः आदेशाः प्रदत्ताः।
आयुक्तः अशुचिं प्रसारयन्तः ठडी-ठेला-सञ्चालकान् विरुद्धं स्थले एव चालान-निर्गमनस्य निर्देशं दत्तवान्। तथा परकोटे-क्षेत्रे अवैधरूपेण स्थापितानां केबल-रेखानां निष्कासनार्थं सम्बन्धित-विभागाय कठोर-निर्देशाः अपि प्रदत्ताः।
निरीक्षण-समये आयुक्तः सामान्य-जनात् अपि स्वच्छता-व्यवस्थाविषये अभिप्रायं गृहीत्वा तेषां समस्याः अशृणोत्। तेन स्वच्छता-कर्मचारिभिः सह संवादं कृत्वा तेषाम् उत्साहवर्धनं कृतं तथा उत्तम-कार्याय प्रेरणा अपि दत्ता। आयुक्तः कसेरा स्पष्टं सन्देशं दत्तवान् यत् नगरस्य स्वच्छता-व्यवस्थायां सौन्दर्ये च कस्यापि प्रकारस्य उपेक्षा न सह्यते, तथा नियमित-पर्यवेक्षणं कठोर-कार्यवाही च सुनिश्चेतुं अधिकारिभ्यः निर्देशाः दत्ताः।
हिन्दुस्थान समाचार / अंशु गुप्ता