Enter your Email Address to subscribe to our newsletters
सारणम्, 12 अप्रैलमासः (हि.स.)। सोनपुर-क्षेत्रस्य हरिहरनाथ–मुक्तिनाथ-सांस्कृतिक-यात्रायाः शुभारम्भः 13 एप्रिल् (सोमवासरे) भविष्यति। एषा सप्त-दिवसीया यात्रा भारत-नेपालयोः सहवरवत आध्यात्मिक-सांस्कृतिक-परम्परां एकसूत्रे संयोजयिष्यति।
काली घाट-नाम ऐतिहासिक-स्थलात् एषा यात्रा प्रारभ्यते। अस्य आयोजनस्य कारणेन सम्पूर्णे क्षेत्रे महदुत्साहः दृश्यते। नगरं तोरण-द्वारैः भगवाध्वजैः च सुशोभितम् अस्ति, येन वातावरणं पूर्णतया भक्तिमयं उत्सवपूर्णं च जातम्।
एषा यात्रा वर्षे 2011 तमे आरब्धा आसीत्। अस्याः मुख्योद्देश्यः मुक्तिनाथ धाम-उद्गमस्थलात् आरभ्य सोनपुर-संगमस्थलपर्यन्तं नारायणी-गण्डकी-नद्याः प्राचीन-सांस्कृतिक-पौराणिक-सम्बन्धान् पुनर्जीवयितुम् अस्ति।
यात्रायाः महासचिवः डॉ. आशुतोष कुमार अवदत् यत् 13 एप्रिल्-दिने सायं 4 वादनात् काली-घाटे भव्य-कार्यक्रमाः आयोजयिष्यन्ते। अत्र स्थानीय-कलाकारैः भजन-लोकगीत-प्रस्तुत्या आध्यात्मिक-सन्देशः प्रदास्यते। अपि च विद्वद्भिः संतैः च सनातन-धर्मस्य गण्डकी-महात्म्यस्य च विषये विचार-विमर्शः करिष्यते।
सायंकाले वाराणसी-नगरीवत् गण्डकी-तटे महाआरती आयोज्यते, यः अस्य कार्यक्रमस्य मुख्य-आकर्षणं भविष्यति।
अस्मिन् समारोहे मुख्य-अतिथिरूपेण संजय सरावगी उपस्थितः भविष्यति, अध्यक्षतां च गोपाल नारायण सिंह करिष्यति। विशिष्ट-अतिथिषु सतीश चन्द्र दूबे, राजेंद्र प्रसाद गुप्ता च अन्ये अपि नेतारः सम्मिलिताः भविष्यन्ति।
अत्र रामानुजाचार्य लक्ष्मणाचार्य जी महाराज, मौनी-बाबा, शिवेश्वर महादेव भारती इत्यादयः संताः अपि उपस्थिताः भविष्यन्ति।
एषा यात्रा केशरिया, बेतिया, बगहा, वाल्मीकि नगर मार्गेण गत्वा नेपाल देशं प्रवेक्ष्यति। नेपालदेशे पोखरा तथा बेणी गलेश्वर धाम स्थलेषु अपि भव्य-आरती आयोजनं भविष्यति।
18 एप्रिल्-दिने प्रातः 9 वादने श्रद्धालवः मुक्तिनाथ धाम-स्थले विशेष-दर्शनं करिष्यन्ति, 19 एप्रिल्-दिने च यात्रायाः विधिवत् समापनं भविष्यति।
पौराणिक-कथासु गण्डकी-तटे गज-ग्राहयोः प्रसिद्धः युद्धः अभवत्, यत्र भगवान् विष्णुः स्वभक्तस्य रक्षणं कृतवान्। मुक्तिनाथात् निर्गता सालिग्रामि-नदी तथा हरिहरनाथ-मन्दिरस्य संगम-स्थलम् सनातन-धर्मस्य दृढ-आस्थायाः प्रमुखं केन्द्रं मन्यते।
यात्रा-समित्या सर्वेभ्यः श्रद्धालुभ्यः आह्वानं कृतं यत् ते अस्यां पुण्य-यात्रायां सहभागं कृत्वा भारतीय-संस्कृतेः आध्यात्मिक-निक्षेपस्य च अस्य महत्त्वपूर्ण-आयोजनस्य अंशिनः भवन्तु।-------------
हिन्दुस्थान समाचार