Enter your Email Address to subscribe to our newsletters
चुरेग्रामे जनसमस्या निवारण शिविरस्य आयोजनम्
रायपुरम्, 12 अप्रैलमासः (हि.स.)।
राज्यशासनस्य निर्देशानुसारं विकासखण्डवारं जिलास्तरीयानां जनसमस्यानिवारणशिविराणां सततम् आयोजनं क्रियते, येन माध्यमेन शासनस्य विविधयोजनानां लाभाः दूरस्थेषु अञ्चलेषु ग्रामेषु अपि प्राप्यन्ते।
अस्यैव क्रमस्य अन्तर्गतं कोंडागांव-जिलस्य केशकाल-विकासखण्डे, जिलसीम्नि स्थिते चुरेग्रामे जनसमस्यानिवारणशिविरम् आयोजितम्, यत्र बहुसंख्यकाः ग्रामवासिनः शासनस्य महत्वाकाङ्क्षीभ्यः योजनाभ्यः लाभान्विताः अभवन्। शिविरे कलेक्टर महोदया नूपुर राशि पन्ना ग्रामवासिभिः सह स्नेहपूर्णं संवादं कृत्वा तेषां समस्याः गम्भीरतया अशृणोत्। अस्मिन् अवसरे कलेक्टर, जिला पंचायत सदस्यः कपिल नाग, जनपद सदस्यः घसियाराम सेठिया तथा अन्ये स्थानीय जनप्रतिनिधयः विभिन्नविभागैः स्थापितानां स्टॉलानां निरीक्षणं कृत्वा प्राप्तानां आवेदनानां विषये जानकारीम् अलभन्त तथा तेषां निवारणार्थं निर्देशान् अददुः।
कलेक्टर उक्तवती यत् एतेषां शिविराणां प्रमुखः उद्देशः शासनयोजनानां लाभान् अन्तिमसीमां यावत् प्रापयितुम् अस्ति, येन ग्रामवासिनः स्वसमस्यासमाधानार्थं ब्लॉक अथवा जिला मुख्यालयं प्रति गन्तुं न बाध्यन्ते। सा आश्वासनं दत्तवती यत् शिविरे प्राप्तानां सर्वेषां आवेदनानां समस्याश्च प्राथमिकतया निवारणं करिष्यते। सा श्रमपञ्जीयनस्य लाभान् व्याख्याय ग्राम्यस्त्रीणां आजीविकावृद्धये ई-रिक्शायोजनायाः लाभग्रहणाय प्रेरितवती। तथैव पशुपालनविभागस्य योजनाभिः संयोजनं तथा विकसितभारत जीरामजी योजनायाः अन्तर्गतं शेडनिर्माणलाभस्य उपयोगं कर्तुं अपि आह्वानं कृतवती।
शिविरे ग्रामवासिभ्यः विभिन्नाभ्यः मागभ्यः समस्याभ्यश्च सम्बन्धिनः कुलम् ८४ आवेदनाः प्राप्ताः। समाजकल्याणविभागेन दिव्याङ्गजनानां कृते ४ त्रिचक्रयानानि तथा १ बैसाखी वितरिता। मुख्यमंत्री पेंशन सहायता योजनायाः अन्तर्गतं ३ लाभार्थिभ्यः पेंशन स्वीकृता। एवं १३ आधारपत्राणि, ७ जातिप्रमाणपत्राणि, श्रमविभागेन ११ श्रमपत्राणि, खाद्यविभागेन १४ राशनपत्राणि, उद्यानविभागेन ३ वर्मी-बेड प्रदत्ताः। राजस्वविभागेन १५ किसानपुस्तिकाः, कृषिविभागेन १० लाभार्थिभ्यः रागीबीजानि वितरितानि। वनविभागेन राजमोहिनी देवी तेंदूपत्ता संग्राहक बीमा योजनायाः अन्तर्गतं ग्राम-हिचका निवासी सुनीता मंडावी इत्यस्मै २ लक्षरूप्यकाणि तथा ग्राम-कावागांव निवासी सुपोतिन कोर्राम इत्यस्मै ३० सहस्ररूप्यकाणि सहायतारूपेण चेक् प्रदत्तः। अपि च वनविभागेन २०० रोपितपादपाः अपि वितरिताः।
शिविरकाले जिल्लाधिकारिणो ग्राम्यस्त्रीभिः सह ‘मड़िया पेज’ इति पारम्परिकं पेयं आस्वाद्य तासां प्रशंसां कृतवती। एषः ग्रामः पूर्वं लालआतङ्केन प्रभावितः आसीत्, तथापि अधुना विकासमार्गे अग्रसरति।
अस्मिन् अवसरे जिला पंचायत सीईओ अविनाश भोई, एसडीएम आकांक्षा नायक, तहसीलदार विजय मिश्रा, संतोष सिन्हा, जनपद पंचायत सीईओ अनुराग सिन्हा, सरपञ्चाः, स्थानीय जनप्रतिनिधयः तथा विविधविभागानां अधिकारिणः उपस्थिताः आसन्।
---------------
हिन्दुस्थान समाचार