प्रयागराज-नगरम्, १३ अप्रैलमासः (हि.स.)। विद्या-भारत्या सम्बद्धे काशी-प्रान्ते रानी-रेवती-देवी सरस्वती-विद्या-निकेतन-इण्टर-विद्यालये राजापुरे सोमवासरे नवनियुक्त-प्रधानाचार्यस्य सतीशकुमारसिंहस्य नेतृत्वे संविधान-निर्माता डॉ.भीमराव-आम्बेडकरस्य १३५तमी जयंती उत्साहेन आयोजिता अभवत्। अस्मिन् एव प्रसंगे पद्म-विभूषण-पुरस्कार-प्राप्ताय तथा दादा-साहेब-फाल्के-पुरस्कार-सम्प्राप्ताय आशा-भोसले इत्यस्याः भावभीनी श्रद्धाञ्जलिः अर्पिता।

उभयोः विभूतयोः नमस्कारं कुर्वन् प्रधानाचार्यः सतीशकुमारसिंह: अवदत् यत् डॉ.भीमराव-अम्बेडकरः भारतीय-संविधानस्य जनकः, महान् सुधारकः, अर्थशास्त्री च दलितानां मसीहा च आसीत्। सः जाति-आधारित-भेदभावस्य विरुद्धं जीवनपर्यन्तं संघर्षम् अकरोत् तथा भारतं समतामूलक-लोकतान्त्रिक-राष्ट्रं कर्तुं महत्त्वपूर्णां भूमिकां निर्वहति स्म। सः उक्तवान् यत् “आरक्षणस्य न, संरक्षणस्य आवश्यकता अस्ति।”

अस्मिन् एव प्रसंगे सः आशा-भोसले इत्यस्याः प्रति श्रद्धाञ्जलिं अर्पयन् अवदत् यत् सा चलचित्र-जगतः प्रसिद्धा पार्श्वगायिका आसीत्। लता-मंगेशकरस्य कनिष्ठा भगिनी तथा दीनानाथ-मंगेशकरस्य पुत्री आशा-भोसले प्राय: १५–१६ सहस्रं गीतानि गायति स्म। तस्याः स्वरस्य प्रशंसकाः विश्वे सर्वत्र सन्ति। सा हिन्दी-भाषया सह मराठी, बंगाली, गुजराती, पंजाबी, भोजपुरी, तमिल, मलयालम्, आङ्ग्लभाषया तथा रूसी-भाषया अपि अनेकानि गीतानि गायति स्म।

अस्मिन् अवसरे विद्यालयस्य छात्राः प्रसिद्ध-संगीताचार्य-मनोज-गुप्तस्य निर्देशनं प्राप्य गीत-भाषण-माध्यमेन उभयोः विभूतयोः स्मरणं कृत्वा श्रद्धाञ्जलिं अर्पयन्ति स्म। कार्यक्रमस्य संचालनं सत्यप्रकाश-पाण्डेयेन कृतम्।

हिन्दुस्थान समाचार / अंशु गुप्ता